ახალციხეში დედამიწის დღე აღნიშნეს

22 აპრილს მსოფლიოში დედამიწის დღე აღინიშნება. ეს დღე პირველად 1970 წელს აღნიშნეს და მას შემდეგ ტრადიციული ხასიათი მიიღო. ამ დღესთან დაკავშირებით დემოკრატ მესხთა კავშირის საკონფერენციო დარბაზში ახალციხის ახალგაზრდულმა ცენტრმა ღონისძიება გამართა. ღონისძიების მთავარი მიზანი აღნიშნული საკითხის ირგვლივ ახალგაზრდების ინფორმირებულობა იყო. ახალგაზრდებმა პრეზენტაცია მოაწყვეს თემაზე: ”დედამიწა”.

”შემდეგ კიფილმის ჩვენება გაიმართა, სახელწოდებით ”სიცრუე მეცნიერების სახელით”, - ამბობს არასამთავრობო ორგანიზაცია "დემოკრატ მესხთა კავშირის" წარმომადგენელი ნათია გელაშვილი.

ფილმის დასრულების შემდეგ ახალციხის ახალგაზრდული ცენტრის ბავშვების მიერ შექმნილი ხელნაკეთი ნივთების გამოფენა გაიმართა. რომელიც გამოუყენებელი ნივთებისგან არის გაკეთებული.

დედამიწის დღისადმი მიძღვვნილი ღონისძება პროექტ ”ეროვნული ინტეგრაციის გაძლიერების” ფარგლებში გაიმართა, რომელიც აშშ-ის საერთაშორისო განვითარების სააგენტოს (USAID) მიერ არის დაფინანსებული, პროექტს საქართველოს გაეროს ასოციაცია ახორციელებს.

[www.sknews.ge]