კვირის აქცენტი: გუჯა ბიჭაშვილის პოლიტიკური ბრალდებები [Video]

მთავარი → ვიდეო, SK TV 27.02.2015

"ახალციხის ციხის“ ყოფილი უფროსი ციხისა და ქალაქში განვითარებული პოლიტიკური მოვლენების შესახებ საუბრობს. თანამდებობის დატოვებიდან ექვსი თვის შემდეგ გუჯა ბიჭაშვილი ადგილობრივი თვითმმართველობის მუშაობაში უშიშროების ჩართულობაზე ალაპარაკდა.

"სამხრეთის კარიბჭეს" ყოველკვირეულ გადაცემაში "კვირის აქცენტი" ახალციხის ციხის ყოფილი დირექტორი გუჯა ბიჭაშვილი საუბრობს. "სამხრეთის კარიბჭემ" გადაცემაში მოიწვია სამცხე–ჯავახეთის გუბერნატორი აკაკი მაჭუაძე და მისი მოადგილე ავთანდილ კაჭკაჭიშვილი, თუმცა, მათ გადაცემაში სტუმრობაზე უარი განაცხადეს.

"მიუხედავად ადგილობრივ მედია საშუალებებთან და ამ შემთხვევაში „სამხრეთის კარიბჭესთან“ ჩვენი კეთილგანწყობისა, კატეგორიულად ვაცხადებთ უარს დავჯდეთ ეთერში გუჯა ბიჭაშვილთან. ვთვლით, რომ ეს ძალიან დიდი პატივი იქნებოდა გუჯა ბიჭაშვილისთვის და მისი მსგავსი პროვოკატორებისათვის, რომლებიც პერმანენტულად და მიზანმიმართულად ეწევიან დეზინფორმაციის გავრცელებასა და ჭორების ტირაჟირებას. მხარის გუბერნატორი და სამხარეო ადმინისტრაცია ამჟამად უფრო მნიშვნელოვანი და მხარისათვის საჭირბოროტო თემებით არის დაკავებული და არ ვთვლით საჭიროდ მასთან პოლემიკას", – მოგვწერეს სამხარეო ადმინისტრაციიდან.

[sknews.ge]