ადგილობრივი: ახალქალაქში, სოფელ კუმურდოს მახლობლად, ფერდობზე ცეცხლია მოკიდებული

ინფორმაცია სოფელ ნაქალაქევში მცხოვრებმა გიორგი მაღრაძემ გაავრცელა. მას "სამხრეთის კარიბჭე" ტელეფონით ესაუბრა. გიორგი ამბობს, რომ კვამლი თავად, სოფლიდან შენიშნა და ფოტოც მანვე გადაიღო.

"ჩემი სოფლის პირდაპირაა ეს ფერდობი და კარგად ჩანს კვამლი. მიდორია, ჯერ პატარა ტერიტორიაზე ადის კვამლი, მაგრამ, იქვე, დაახლოები ერთ კილომეტრში საბჭოთა პერიოდში გაშენებული ფიჭვნარია, ქარია და არსებობს საფრთხე, რომ ცეცხლი გავრცელდეს. უკვე დავრეკე 112–ში", – ამბობს იგი.

გიორგი ამბობს, რომ ტერიტორია მიუვალი არ არის, იქ ბილიკები ჩადის, ფეხი მწყემსებსაც უხვდებათ. სასოფლო–სამეურნეო ნაკვეთები იმ ტერიტორიაზე არ არის.

საგანგებო სიტუაციების სამსახურში შეტყობინებას ადასტურებენ და ამბობენ, რომ სახანძრო – სამაშველო ჯგუფი უკვე გავიდა შემთხვევის ადგილზე.



[ნინო ნარიმანიშვილი, ახალქალაქი]