ახალქალაქში, სოფელ კუმურდოს მახლობლად, ფერდობზე ცეცხლი ჩააქრეს

საგანგებო სიტუაციების სამსახურის ინფორმაციით, ხანძარი მცირე ფართობზე იყო, ჯგუფი შეტყობინების მიღებისთანავე გავიდა და ცეცხლი უკვე ჩამქრალია.

შეგახსენებთ, ინფორმაცია ბერთაყანის ქვაბების მიმდებარედ, სოფელ კუმურდოდან 1 კმ.–ში, ფერდობზე ხანძრის შესახებ, სოფელ ნაქალაქევში მცხოვრებმა გიორგი მაღრაძემ გაავრცელა. მას "სამხრეთის კარიბჭე" ტელეფონით ესაუბრა. გიორგი ამბობს, რომ კვამლი თავად, სოფლიდან შენიშნა და ფოტოც მანვე გადაიღო. ასევე, თავადვე დაკავშირდა 112–ს.

გიორგი მაღრაძის თქმით, დარეკვიდან მალევე მას სამმართველოდან დაუკავშირდნენ და ადგილის დაზუსტება სთხოვეს, ამის შემდეგ, კი, მალევე, ადგილზე ჯგუფი მივიდა და ცეცხლი ჩააქრო.

[ნინო ნარიმანიშვილი, ახალქალაქი]