საპატრიარქომ მეხანძრე-მაშველებს საკვები გაუგზავნა

დღეს, სოფელ დაბაში სასულიერო პირებმა ერთობის პარაკლისიც გადაიხადეს.

"მთავარია, ჩვენ ვისწავლოთ განსაცდელის დაძლევა. აქ ყოფნა არის გამოხატულება ამ ერთობისა, რომ ერი და ბერი ერთად ვიბრძვით, ერთად ვლოცულობთ",- აღნიშნა მეუფე თეოდორემ.

სასულიერო პირებმა დალოცეს სტიქიის ზონის მიმდებარე სოფლებში მცხოვრები მოსახლეობა, ასევე მეხანძრე- მაშველები და ყველა ის პირი რომელიც ხანძრის ლიკვიდაციის პროცესშია ჩართული.

წმინდა გიორგის სახელობის ეკლესიაში პარაკლისს პრემიერ-მინისტრი გიორგი კვირიკაშვილიც ესწრებოდა.

შეგახსენებთ, მეოთხე დღეა ბორჯომის ხეობაში ხანძრის ჩაქრობას ცდილობენ. ქარისა და მაღალი ტემპერატურის გამო, ხანძრის კერები რამდენჯერმე გაღვივდა და ცეცხლმა მოიმატა. ამ დროისთვის ბორჯომში 1 თვითმფრინავი და 8 ვერტმფრენი მუშაობს.

[sknews.ge]