მეხანძრეები ხანძრის კერებს ყვიბისის ტყეშიც ებძრვიან

სოფელ ყვიბისში გამგებლის წარმომადგენლის ზაზა კურტანიძის განმარტებით, ხანძრის დასახლებულ პუნქტამდე გავრცელების საშიშროება არ არსებობს. სტიქიის ზონაში ხანძარს რამდენიმე ათეული მეხანძრე–მაშველი და მოხალისე ერთდროულად ებრძვის.

„იყო კერები, მაგრამ ადგილობრივები, მოხალისეები და სხვადასხვა უწყების თანამშრომლები ჩაერთვნენ. სოფლის მიმართულებით ცეცხლის კერები წამოსული არ არის“, – განაცხადა ზაზა კურტანიძემ.

მისივე თქმით, ამ ეტაპზე ცდილობენ ცეცხლი ტყის მასივებამდე არ მოვიდეს: „ტორფი იწვის, ვცდილობთ ხანძარი არ გავრცელდეს“.

როგორც გამგებლის წარმომადგენელი აცხადებს, ამ ეტაპზე ხანძარი დასახლებული პუნქტიდან 5–7 კილომეტრით არის დაშორებული.

[თინათინ ზაზაძე, ბორჯომი]