ახალციხეში გარბენი და ველოტური მოეწყო [Photo]

გარბენი შოთა რუსთაველის ძეგლის მიმდებარე ტერიტორიიდან დაიწყო. მოსწავლეებმა აქედან ნათნაძის, ასევე, კოსტავას ქუჩები გაირბინეს და ფინიშთან ახალციხის ციხეზე მივიდნენ.

გარბენში მონაწილეობას ოთხი სხვადასხვა ასაკის ბიჭები და გოგონები იღებდნენ. პირველ, მეორე და მესამე ადგილზე გასულები ყველა კატეგორიაში გამოვლინდნენ. ახალციხის მერიამ მათ სიგელები და საჩუქრები გადასცა.

„მიხარია, რომ ახალციხეში მსგავსი ტიპის შეჯიბრებები ეწყობა, დღევანდელი დღე ყველასთვის განსხვავებულია და გამარჯვება მეც განსაკუთრებით მიხარია“, – ამბობს გიგლა ზილბერშტეინი რომელმაც გარბენში პირველი ადგილი დაიკავა.

რაც შეეხება ველოტურს, აქ მოყვარულებმა საქართველოს დროშებით ქალაქის ცენტრალური ქუჩები შემოიარეს, გამვლელებს საქართველოს დამოუკიდებლობის 100 წლისთავი მიულოცეს და მსვლელობა ახალციხის ციხეზე დაასრულეს.











[მარიამ ბარძიმაძე, ახალციხე]