დაბის მცხოვრებლები: რა დაგვაძინებს, ან სოფელს როგორ დავტოვებთ

როგორც დაბის მცხოვრებლები "სამხრეთის კარიბჭესთან" ამბობენ, ხანძრის ჩასაქრობად ასეთი მობილიზება ადრე რომ დაეწყოთ, სტიქია ასეთ მასშტაბს არ მიაღწევდა.

"2008 წელს არ იყო ასეთი ხანძარი, მაშინ ომი იყო, თუმცა, ომის დროს კიდევ უფრო მეტად მობილიზებული იყო სახელმწიფო, ვიდრე დღესაა. სოფელში თუ ვინმე ტურისტი იყო, ყველამ დატოვა ტერიტორია, ჩვენ რა დაგვაძინებს, ან სოფელს როგორ დავტოვებთ. აქ ხალხი მოსული ჩვენს დასახმარებლადაა",– ამბობს დაბაში მცხოვრები დავით დათუნიშვილი.

როგორც ადგილობრივები გვიხსნიან, ამ დროისათვის [21 აგვისტო, 01:50 სთ] ცსოფლის განაპირა სახლს ცეცხლისგან დაახლოებით 200 მეტრი აშორებს.

მათივე თქმით, სოფელში ევაკუაცია არ დაწყებულა, ისინი სახლების დატოვების შესახებ არავის გაუფრთხილებია. ამ დროისათვის ადგილობრივებს სკამეიკები აქვთ გარეთ გამოტანილი და ერთად არიან შეკრებილი. თუმცა, უმეტესად მამაკაცები არიან გარეთ.

სოფელ დაბაში მოძრაობენ სახანძრო–სამაშველო სამსახურის თანამშრომლები და პოლიცია. ამ წუთებში საქართველოს პრემიერ – მინისტრიც დაბაში იმყოფება.

[sknews.ge]