ახალციხეში აგვისტოს ომში დაღუპული მეომრები გაიხსენეს [Photo]

ვეტერანების საქმეთა სახელმწიფო სამსახურის ინფორმაციით, 2008 წლის აგვისტოს ომმა სამცხე–ჯავახეთიდან ექვსი მეომრის სიცოცხლე იმსხვერპლა. მათგან სამი ადიგენის, ერთი ასპინძის, ერთი ახალციხის და ერთი ახალქალაქის მუნიციპალიტეტიდან იყო.

„მე ამ ომში საინჟინრო–მესანგრეთა ბრიგადის მთავარი ექიმი ვიყავი. ჩემთვის ეს დღე ძალიან ბევრს ნიშნავს და მიხარია, რომ დღეს პატარა ღონისძიება ჩატარდა. 5 დღიანი ომი იყო, მაგრამ ბევრი რამე გვასწავლა და დაგვანახა“, – ამბობს ვეტერანების საქმეთა სახელმწიფო სამსახურის სამცხე–ჯავახეთის სამმართველოს უფროსი დავით ფეიქრიშვილი.

2008 წლის აგვისტოს ომში, ქვეყნის მთლიანობისათვის დაღუპულ მეომართა მემორიალი ყვავილებით გუბერნიის, მერიისა და გამგეობის პირველმა პირებმა და თანამშრომლებმა შეამკეს.

„დღევანდელი დღე ქვეყნის ისტორიაში ტრაგედიაა, შეიწირა ახალგაზრდა ადამიანების, მეომრების, მშვიდობიანი მოქალაქეების სიცოცხლე. რეგიონიდან გვყავს გარდაცვლილი მეომრები და სათანადო პატივს მივაგებთ“, – განმარტავს სამცხე–ჯავახეთის გუბერნტორი აკაკი მაჭუტაძე.

















[თაკო ფეიქრიშვილი, ახალციხე]