„სამხრეთის კარიბჭის“ დირექტორი „ოქროს ფრთით“ დააჯილდოეს

ჟურნალისტთა საერთაშორისო ფონდი "ოქროს ფრთის" ჟურნალისტთა დაჯილდოება წელს იმით იყო გამორჩეული, რომ მასში რეგიონული მედიის წარმომადგენლებიც იყვნენ ჩართულნი.

22 მედია საშუალებიდან 7 ჯილდო რეგიონებზე განაწილდა: ლელა ინასარიძე - „სამხრეთის კარიბჭის“ დირექტორი, გოგა აფციაური - რადიო თავისუფლების თბილისის ბიუროს ჟურნალისტი შიდა ქართლში, ია მამალაძე - „გურია ნიუსი“ დირექტორი, გელა მთივლიშვილი - კახეთისა და მცხეთამთინეთის საინფრომაციო ცენტრების დირექტორი, ლაშა ზარგინავა - „მეცხრე არხის“ კორესპონდენტი ფოთში, ია ბობოხიძე - „ახალი გაზეთის“ დირექტორი, მაია მერკვილაძე - 25-ე არხის საინფორმაციოს უფროსი.

- „მიღებული ჯილდო არა მხოლოდ მე, არამედ გაზეთის ყველა თანამშრომელს ეკუთვნის“, - ამბობს ლელა ინასარიძე.

ჟურნალისტთა საერთაშორისო ფონდი „ოქროს ფრთა“ მეთერთმეტე წელია რაც ტარდება საქართველოში. წელს გამარჯვებულები 5-კაციანმა ჟიურიმ გამოავლინა. მათი თქმით, მომვალ წელს რეგიონებში ბეჭდურ მედიას კიდევ უფრო მეტი ყურადღება მიექცევა.

[www.sknews.ge]