ვაჟა ჩიტაშვილი: ”აქციების მოტრფიალე არ ვარ”

ჩიტაშვილი 19 აპირლს ”ერთიანი ნაციონალური მოძრაობის” აქციას დაესწრება, თუმცა, რამდენი ადამიანი შეუერთდება მისი მუნიციპალიტეტიდან მიტინგს, პროგნოზის გაკეთება უჭირს. ამბობს, რომ ეს ხალხის გადასაწყვეტია, მათ აქციაზე წასვლას არავინ დააძალებს და პირიქით.

”არავინ დაბლოკავს ხალხს აქციაზე არ წახვიდეთო. მოსახლეობის განწყობაც არ განისაზღვრება იმით თუ ვინ დაესწრება აქციას და ვინ არა. ახლა ისეთი დროა, ურჩევნიათ თავიანთ კარ-მიდამოს მიხედონ, ანუ შეიძლება ვიღაცა სახლში დარჩეს, მაგრამ ამავე დროს ყოფილი ხელისულფების მხარდამჭერი იყოს”, - ამბობს ჩიტაშვილი და ამატებს, რომ საგაზაფხულო სამუშაოებიც რომ არ ემთხვეოდეს დაანონსებულ აქციას, ახალციხე თბილისიდან საკმაოდ შორსაა.

გასული წლის პირველი ოქტომბრის საპარლამენტო არჩევნებზე ახალციხეში 36 407 ამორმჩევლიდან 16 868-მ ხმა ”ნაციოანლურ მოძრაობას” მისცა, ”ქართულმა ოცნებამ” კი 4 797 ხმა მიიღო.

ჩიტაშვილი ამბობს, რომ მუნიციპალიტეტში მოსახლეობის განწობა არ შეცვლილა, თუმცა, არიან ისეთები, რომლებსაც ”ახალ ხელისუფლებასთან ახლოს ყოფნა უნდათ”.

მისი თქმით, ამ ეტაპზე მოსახლეობის განწყობა იმიტომ ვერ შეიცვლებოდა, რომ ჯერ ქვეყანაში არათუ წინსვლა არამედ განვითარების შეფერხება უფრო იგრძნობა: ”დრო უნდა მივცეთ ახალ ხელისულფებას საქმის საკეთებლად. თუ აკვირდებით მაინცადამაინც რადიკალურ განცხადებებს არ ვაკეთებ. დაე მართონ და პასუხი დაპირებების შესრულებაზე მომავალი არჩევნების დროს მოვთხოვოთ”.

[თამუნა უჩიძე, ახალციხე]