გაზრდილია მათი რაოდენობა, ინც ინფორმაციას ინტერნეტიდან იღებს – NDI

2014 წელს ეს მაჩვენებლი 8% იყო, 2017 წლის ივლისში კი 19%–ია.

დინამიკა ასეთია



უმცირესობათა დასახლებებში 31%, სოფლებში 33%, პატარა ქალაქებში (როგორიც ახალციხეა) მცხოვრებთა 50% ამბობს, რომ ინტერნეტს ყოველდღე იყენებს.

თუმცა, ინფორმაციის მიღების ძირითად წყაროდ, კვლავ რჩება ტელევიზია. მთლიანად გამოკითხულთა 73% ამბობს,რომ ინფორმაციას ტელევიზიიდან იღებს, 19% კი ინტერნეტიდან.

გამოკითხულთა 34% ამბობს, რომ პოლიტიკისა და მიმდინარე მოვლენების შესახებ სანდო ინფორმაციის მისაღებად რუსთავი 2–ს ენდობა, 32% ენდობა იმედს, 16% კი არცერთს.



საზოგადოებრივი აზრის კვლევა, ეროვნულ დემოკრატიული ინსტიტუტის (NDI) დაკვეთით, CRRC-საქართველომ დიდი ბრიტანეთის მთავრობის, UK aid-ის დაფინანსებით ჩაატარა. კვლევის საველე სამუშაოები 18 ივნისი -9 ივლისის პერიოდში მიმდინარეობდა საქართველოს მასშტაბით (ოკუპირებული ტერიტორიების გარდა). პირისპირ ინტერვიუს სახით, წარმომადგენლობითი შერჩევით 2 261 პირი გამოიკითხა. კვლევაში საშუალო ცდომილების ზღვარი არის +/- 2.2%.

საზოგადოებრივი აზრის კვლევის შედეგების მეორე ნაწილი დღეს, 27 ივლისს, გამოქვეყნდა.

[ნინო ნარიმანიშვილი, ახალციხე]