დღეს NDI საზოგადოებრივი აზრის კვლევის პოლიტიკურ ნაწილს წარადგენს

კვლევის ეს ნაწილი ეხება დემოკრატიის განვითარებასთან, საარჩევნო პროცესებთან, თბილისის მერობის კანდიდატებთან, პარტიების მხარდაჭერასა და მიმდინარე მოვლენებთან დაკავშირებულ მიგნებებს.

შეგახსენებთ, დღეს, ოთხშაბათს, 26 ივლისს, ეროვნულ-დემოკრატიულმა ინსტიტუტმა ივნისის ბოლოსა და ივლისის დასაწყისში ჩატარებული საზოგადოებრივი აზრის კვლევის შედეგების პირველი ნაწილი გამოაქვეყნა. ეს ნაწილი ეხებოდა ქვეყნის განვითარების კურსთან, საცხოვრებელ პირობებთან, ეროვნული და ადგილობრივი მნიშვნელობის საკითხებთან, ხელისუფლების საქმიანობასთან, საგარეო პოლიტიკასთან და მიმდინარე რეფორმებთან დაკავშირებული მიგნებებს.

საზოგადოებრივი აზრის კვლევა, ეროვნულ დემოკრატიული ინსტიტუტის (NDI) დაკვეთით, CRRC-საქართველომ დიდი ბრიტანეთის მთავრობის, UK aid-ის დაფინანსებით ჩაატარა. კვლევის საველე სამუშაოები 18 ივნისი -9 ივლისის პერიოდში მიმდინარეობდა საქართველოს მასშტაბით (ოკუპირებული ტერიტორიების გარდა).

[ნინო ნარიმანიშვილი, ახალციხე]