სოფელი წყალზე [Photo/Video]

მთავარი → 24.07.2017

ბორჯომში, სოფელ დგვარში, სადაც ერთ დროს 348 ოჯახი ცხოვრობდა, ახლა მხოლოდ 60 შემორჩა. დამეწყრილ სოფელში ათეულობით სახლია დანგრეული. აქ დარჩენილების უმრავლესობა ხანდაზმულია და ისინიც იმის შიშით ცხოვრობენ, რომ ერთ დღეს მათი სახლებიც დაინგრევა.

დგვარში მეწყერი განსაკუთრებით ბოლო 30 წლის განმავლობაში გააქტიურდა, ვისაც სოფლიდან წასვლის საშუალება არ აქვს, კედლებს შიგნიდანაც და გარედანაც ბოძებით ამაგრებს. დგვარში დარჩენილები ამბობენ, რომ წასასვლელი არსად აქვთ.

დასკვნა იმის შესახებ, რომ სოფელი წყალზე დგას, აქ მცოცავი ქანებია და სოფლის გასახლება აუცილებელია, თანაც დაუყოვნებლივ, სამჯერ დაიწერა. თუმცა ამ დრომდე მთავრობას არცერთი ადგილობრივი არ გაუსახლებია.

ვრცლად, ამბავი სოფლის შესახებ, რომელიც წყალზე დგას და ნებისმიერ წუთს შეიძლება მოწყდეს, ნახეთ თამუნა უჩიძის მულტიმედია მასალაში, ამ ბმულზე. მასალაში ნახავთ და მოისმეთ იმ ადამიანების ისტორიებს, რომლებიც დამეწურილი სოფლის ავარიულ სახლებში ცხოვრობენ.

***************************************************************************************************

მასალა მომზადებულია დამოუკიდებელი მედიის მხარდაჭერის პროექტის ფარგლებში. ეს არის პროექტი, რომელშიც საქართველოს მასშტაბით შერჩეული 9 მედია მონაწილეობს და ეს მედიები ამზადებენ მულტიმედიური ჟურნალისტური მასალების ციკლს “ჯორჯია პლიუსი”. პროექტს ახორციელებს “ინტერნიუსი საქართველო” , ინტერნიუს ნეთვორქთან (აშშ) და პარტნიორ მედიაორგანიზაციებთან ერთად.

“ჯორჯია პლიუსი”, რომელშიც ვიდეო, აუდიო, ტექსტური მასალები, ინფოგრაფიკა, ინტერაქტიული რუკები, თამაშები და გამოკითხვებია ჩართული, საზოგადოებისთვის მნიშვნელოვან თემებზეა ორიენტირებული. ამ პროექტის ფარგლებში "სამხრეთის კარიბჭე" 21 მულტიმედიურ მასალას მოამზადებს.

21–ვე მასალის მოკლე ვერსია "სამხრეთის კარიბჭეს" ვებგვერდზე განთავსდება. ვრცლად კი მათი ნახვა სთორიბილდერის პლატფორმაზე შეგეძლებათ. ამ ეტაპზე შეგიძლიათ ნახოთ მასალები:

• ბავშვები უბაღებო სოფლებიდან
• ადამიანები ბიუჯეტს მიღმა
• ქალაქი ძაღლების ტყვეობაში
• სოფელი წყალზე

[sknews.ge]