ბავშვები უბაღებო სოფლებიდან [Photo/Video]

3 წლის ბარბარე შუბითიძე, ახალციხეში, სოფელ სვირში ცხოვრობს. ბარბარე და მისი მეგობრები მთელ დღეს სოფლის ცენტრში, სტადიონზე ატარებენ, იმის გამო, რომ დაახლოებით 18 წელია სოფელში საბავშვო ბაღი აღარ აქვთ.

„ხედავთ შვილო რამდენი ბავშვია, ძალიან ბევრი. ჩვენს საკრებულოში სამი სოფელი შედის – ბოგა, სვირი და ტატანისი და უამრავი ბავშვია, რომელსაც ესაჭიროება სკოლამდელი განათლება. ძალიან ბევრს სწავლობს ბავშვი, რომელიც ბაღში დადის“, – გვეუბნება ადგილობრივი ნათელა შუბითიძე.

სვირის თემში შემავალი სოფლები – სვირი, ბოგა და ტატანისი, სადაც, 2014 წლის აღწერის მონაცემებით, 698 ადამიანი ცხოვრობს, გამონაკლისი არ არის. 2017 წლის მაისის მონაცემებით, ახალციხის 46 დასახლებიდან (45 სოფელი +1 ქალაქი), საბავშვო ბაღი მხოლოდ 13 სოფელში მუშაობს, აქედან, 7 სოფლის ბაღი ერთდროულად რამდენიმე სოფელს ემსახურება. ჯამში, გამოდის, რომ 13 ბაღით 22 სოფელი სარგებლობს. 24 სოფელი კი ბაღის გარეშეა.

ნახეთ ნინო ნარიმანიშვილისა და თინათინ ზაზაძის მიერ მომზადებული მულტიმედია მასალა ბავშვებზე, რომლებსაც ბაღში წასვლის საშუალება არ აქვთ..



[quote]მასალა მომზადებულია დამოუკიდებელი მედიის მხარდაჭერის პროექტის ფარგლებში. ეს არის პროექტი, რომელშიც საქართველოს მასშტაბით შერჩეული 9 მედია მონაწილეობს და ეს მედიები ამზადებენ მულტიმედიური ჟურნალისტური მასალების ციკლს “ჯორჯია პლიუსი”. პროექტს ახორციელებს “ინტერნიუსი საქართველო” , ინტერნიუს ნეთვორქთან (აშშ) და პარტნიორ მედიაორგანიზაციებთან ერთად.

“ჯორჯია პლიუსი”, რომელშიც ვიდეო, აუდიო, ტექსტური მასალები, ინფოგრაფიკა, ინტერაქტიული რუკები, თამაშები და გამოკითხვებია ჩართული, საზოგადოებისთვის მნიშვნელოვან თემებზეა ორიენტირებული. ამ პროექტის ფარგლებში "სამხრეთის კარიბჭე" 21 მულტიმედიურ მასალას მოამზადებს.

21–ვე მასალის მოკლე ვერსია "სამხრეთის კარიბჭეს" ვებგვერდზე განთავსდება. ვრცლად კი მათი ნახვა სთორიბილდერის პლატფორმაზე შეგეძლებათ.

[ნინო ნარიმანიშვილი, თინათინ ზაზაძე, ახალციხე]