ადამიანები ქალაქის ბიუჯეტს მიღმა [Photo/Video]

მთავარი → 27.06.2017

ორი თვის განმავლობაში, ახალციხეში ორი ხანძარი მოხდა, რომლის შედეგადაც 8 სახლის სახურავი დაიწვა. ოჯახებმა ათასობით ლარის ზარალი მიიღეს. ადგილობრივი თვითმმართველობა კი მათ მიზერული თანხებით დაეხმარა.

ადამიანები ქალაქის ბიუჯეტს მიღმა [Photo/Video]

დაზარალებული 8 ოჯახიდან, ნაწილმა სახლები საკუთარი სახსრებით აღადგინა, ნაწილმა თავი სხვას შეაფარა, ნაწილი კი დახმარებას დაელოდა.

ოჯახებს, რომელთა ზარალი 5–დან 15.000 ლარამდე იყო, ხანძრის სიმძიმის მიხედვით, დახმარების ლოდინი თითქმის ერთი თვე მოუხდათ. ეს დრო ახალციხის მერიას ზარალის ოდენობის შესწავლასა და დოკუმენტების მოწესრიგებისთვის დასჭირდა.

ახალციხის მერიიდან მიღებული ინფორმაციით ირკვევა, რომ 8 დაზარალებული ოჯახიდან, საბოლოოდ მერია 7–ს დაეხმარა

• ხუთმა ოჯახმა მიიღო – 1500 ლარი;
• ერთმა ოჯახმა მიიღო – 2000 ლარი;
• ერთმა კი – 2500 ლარი.

ლუბა გიორგაძის მულტიმედიურ მასალაში(რომელსაც ამ ბმულზე ნახავთ) მოისმენთ და წაიკითხავთ ისტორიებს, როდის და როგორ მოხდა ხანძარი, როგორ გადარჩნენ ადამიანები და რა ზარალი მიიღეს მათ. ეს არის ამბავი იმის შესახებ, რეალურად, ადგილობრივი ბიუჯეტიდან რა წილი იხარჯება ადამიანებზე, რომლებიც შეიძლება სხვადასხვა ტიპის სტიქიის, ან შემთხვევის შედეგად დაზარალდნენ.

*************************************************************************************************************

მასალა მომზადებულია დამოუკიდებელი მედიის მხარდაჭერის პროექტის ფარგლებში. ეს არის პროექტი, რომელშიც საქართველოს მასშტაბით შერჩეული 9 მედია მონაწილეობს და ეს მედიები ამზადებენ მულტიმედიური ჟურნალისტური მასალების ციკლს “ჯორჯია პლიუსი”. პროექტს ახორციელებს “ინტერნიუსი საქართველო” , ინტერნიუს ნეთვორქთან (აშშ) და პარტნიორ მედიაორგანიზაციებთან ერთად.

“ჯორჯია პლიუსი”, რომელშიც ვიდეო, აუდიო, ტექსტური მასალები, ინფოგრაფიკა, ინტერაქტიული რუკები, თამაშები და გამოკითხვებია ჩართული, საზოგადოებისთვის მნიშვნელოვან თემებზეა ორიენტირებული. ამ პროექტის ფარგლებში "სამხრეთის კარიბჭე" 21 მულტიმედიურ მასალას მოამზადებს.

21–ვე მასალა "სამხრეთის კარიბჭეს" ვებგვერდზე განთავსდება, თუმცა, არა როგორც სტანდარტული პროდუქტი. თითოეულ მათგანს ექნება ბანერი და თქვენ ისტორიებს ამ ბანერზე გადასვლით ნახავთ. ამ ეტაპზე გვერდზე უკვე დევს ორი ბანერი, შესაბამისად, ორ მასალა:

• ბავშვები უბაღებო სოფლებიდან
• ადამიანები ბიუჯეტს მიღმა

[sknews.ge]