შემთხვევა ‘მტკვარი ჰესზე’ – წყალმა მიმართულება შეიცვალა [Photo/Video]

შემთხვევის შესახებ ერთ–ერთმა, თვითმხილველმა გვაცნობა და მანვე მოგვაწოდა ფოტო და ვიდეო მასალა. გადაღებულ მასალაში ჩანს, რომ ჰესიდან წყალი სხვა მიმართულებით გადმოდის და მდინარეში ჩადის. როგორც თავად მოქალაქე ამბობს, წყალს მდინარეში თან საშენი მასალაც ჩააქვს.



შემთხვევის შესახებ „მტკვარი ჰესის“ მშენებლობის დამკვეთ კომპანიაში „სამხრეთის კარიბჭესგან“ შეიტყვეს. ჩვენ მათ მიღებული ფოტომასალც გავუგზავნეთ, რის საფუძველზეც გვითხრეს, რომ წყალს სავარაუდოდ მიმართულება აქვს შეცვლილი.

„მაგედან არ უნდა გადმოდიოდეს, მშენებელი კომპანია ვალდებულია ყურადღება მიაქციოს. თუ აქედან წყალი გადმოდის, მშენებელს მისცემს ზარალს“ - განმარტავს "მტკვარი ჰესის" დირექტორის მოადგილე ბადრი მათოშვილი.

მისი განმარტებით, ამ ეტაპზე სამუშაოებს შპს „ფერი“ ახორციელებს და კომპანიას ავარიის შესახებ აცნობებს.

მოგვიანებით, ბადრი მათოშვილმა განაცხადა, რომ მათი თანამშრომლები უკვე ადგილზე არიან და ვითარებას არკვევენ. თუმცა, ამ დროისთვის უცნობი რჩება რა დაზიანდა მშენებარე ჰესზე. ბადრი მათოშვილის განმარტებით, მიზეზებს შეისწავლიან და ინფორმაციას ხვალ მოგაწვდიან.







[sknews.ge]