კახა კალაძე სამცხე-ჯავახეთში მშენებარე ჰესების შესახებ

ახალციხეში სტუმრობისას ენერგეტიკის მინისტრმა კომენტარი იმ ჰესების შესახებაც გააკეთა, რომელთა მშენებლობაც გასულ წელს შეჩერდა.

”ფარავან ჰესს” ბიოროკრატიული პრობლემები ჰქონდა მემორანდუმთან დაკავშირებით, ”მკტვარი ჰესის” მშენებლობა კი ფინანსური საკითხების გამო შეჩერდა”, - ამბობს კალაძე.

მისი თქმით, ”ფარავან ჰესის” საკითხი მთავრობის სხდომაზე იქნა გატანილი: ”შევხვდით ”ანადოლის ჯგუფის” წარმომადგენლებასაც. ”ფარავან ჰესთან” დაკავშირებით, ამ დორისთვის ყველა პრობლემა მოგვარებულია”.

მინისტრი ამბობს, რომ მშენებლობა მალე განახლდება ”მტკვარი ჰესზეც”.

”აქტიურად ვმუშაობთ გარემოსდაცვის სამინისტროსთან და ერთად განვიხილავთ მათ შენიშვნებს. თუ ახალი ჰიდრო ელქტრო სადგურების მშენებლობა დაიგეგმება მაქსიმალურად გავითვალისწინებთ გარემოზე ზემქომედების შეფასებას და ის ევროპული სტანდარტების იქნება”, - აცხადებს კალაძე.

შეგახსენებთ, რომ ”მტკვარი ჰესისა” და ”ფარავან ჰესის” მშენებლობა ახალი წლის შემდეგ უნდა განახლებულიყო, ”მტკვარი ჰესზე” სამუშაოები ამ დრომე შეჩერებულია.

”ფარავან ჰესის” მშენებლობა უკვე განვაახლეთ”, - გვითხრა სატალეფონო საუბარში ”ფარავან ჰესის” მშენებელი კომპანიის ”ჯორჯიან ურბან ენერჯის” წარმომადგენელმა ნერსე მაკაროვმა.

[თამუნა უჩიძე, ახალციხე]