ჭყონდიდელის ქუჩაზე სანიაღვრე არხების გაკეთბას ითხოვენ

ახალციხეში, ჭყონდიდელის ქუჩაზე მცხოვრები ნოე შაყულაშვილი ამბობს, რომ რომ ზედა ქუჩებიდან წამოსული ნიაღვარი, მითუფრო წვიმიან ამინდებში მისი სახლის საძირკველს აზიანებს.

„ჩვენს მაღლა პარალელური ქუჩებიც ჭყონდიდელისაა. მის ზემოთ კიდევ ბაღები და ტერასებია. იქიდან ჩამონადენი წყალი ჩემს ბაღში ჩამოდის, მაგრამ ბაღის დატბორვას ვინ ჩივის, სახლის საძირკველი ზიანდება, და შეიძლება თავზე დამენგრეს“, – ამბობს შაყულაშვილი.

მის მსგავსად სახლის ნგრევის საფრთხე ექმნებათ მეზობლად მცხოვრებ თამარ მელიქიძესა და ზეფირ მურადიანსაც.

„სახლს კედლები გამოაცალა უკვე ზედა ქუჩიდან მოსულმა ნიაღვარმა. ორ მეტრზე წვდება წყალი შენობას როცა წვიმაა“, – ამბობს თამარ მელიქიძე.

ადგილობრივებმა სანიაღვრე არხების გაკეთება ჭყონდიდელის ქუჩზე ახალციხის მერიას წერილობით გასულ თვეში სთხოვს. პასუხი თვითმმართველობიდან 26 ივნისს მიიღეს.

„წერილში ეწერა, რომ სანიაღვრეების გაკეთება ჭყონდიდელის ქუჩაზე ჯერ ჯერობით ვერ მოხერხდებაო. როცა მთელ ქალაქში დაიწყება სანიაღვრეების შენება, თქვენთანაც გავაკეთებთო“, – ამბობს ნოე შაყულაშვილი.

აქ მცხოვრებლებს გარდა სანიაღვრე სისტემისა საკანალიზაციო ქსელის პრობლემაც აქვთ. მათი ქმით, დასახლებაში საკანალიზაციო მილები არ არის და მისი გაკეთება საკუთარი სახსრებით სურთ, თუმცა აცხადებენ, რომ ხარჯებს სრულად ვერ დაფარევენ და ამიტომ საქართველოს წყალმომარაგების კომპანიას დახმარებას სთხოვენ.

საქართველოს გაერთიანებული წყალმომარაგების კომპანიის ტექნიკური აქტივობის მართვის დეპარტამენტის უფროსი მიხეილ თათარაძე კი განმარტავს, რომ აღნიშნულ ქუჩაზე საკანლიზაციო მილების გაკეთება კომპანიას მიმდინარე წელს ბიუჯეტში გათვალისწინებული არ აქვს: „იმ შემთხვევაში თუ ადგილობრივები საკუთარი სახსრებით დაიწყებენ ქსელის გაკეთებას, კომპანია მათ მხოლოდ იმაში დაეხმარება, რომ ეს ქსელი ტექნიკურად გამართული იყოს".

ახალციხის მერიაში კი „სამხრეთის კარიბჭეს“ განუცხადეს, რომ ჭყონდიდელის ქუჩზე სანიაღვრე არხების გაკეთება მას შემდეგ იქნება შესაძლებელი, რაც აქ საკანალიზაციო ქსელი მოეწყობა: „თუ კანალიზაციის პრობლემა მოგვარდება, სანიაღვრეებს გავაკეთებთ“.

ამ დროისთვის, აღნიშნულ ქუჩაზე გზის სამშენებლო სამუშაოები მიმდინარეობს. აქ ასფალტს შპს „მესხეთი ავტოგზა“ აგებს.

[მარიამ ბარძიმაძე, ახალციხე]