ერთიანი ეროვნული გამოცდები დღეს გეოგრაფიაში ჩატარდა

გამოცდის პირველი სესიის რეგისტრაცია დილით 8:00 საათზე დაიწყო. დარეგისტრირებული 233 აბიტურიენტიდან მხოლოდ 226 გამოცხადდა, ხოლო მეორე სესიაზე რეგისტრირებული 240–დან 236 მივიდა.

როგორც გამოცდიდან გამოსული აბიტურიენტების უმრავლესობა ამბობს, ტესტები მარტივი იყო.

„საკმაოდ მარტივი ტესტი იყო არ გამჭირვებია, თუმცა ერთადერთი სირთულე პასუხების გადატანამ შექმნა, კარგი იქნებოდა, რომ ტესტი მთლიანად ელექტრონული ყოფილიყო“,– ამბობს მარიამ ჩინჩალაძე.

ხვალ, 13 ივლისს პირველ სესიაზე გამოცდას დაწყებითი კლასების პედაგოგები ჩააბარებენ, ხოლო მეორე სესიაზე აბიტურიენტები მათემატიკას დაწერენ.

[მარიამ ბარძიმაძე, ახალციხე]