ვარძიაში სარესტავრაციო სამუშაოები განახლდა

ვარძიაში თბილისის სამხატვრო აკადემიის 10–მდე თანამშრომელი მუშაობს.

კულტურული მემკვიდრეობის დაცვის ეროვნული სააგენტოს ხელმძღვანელის ნიკოლოზ ანთიძის თქმით, ქართველი სპეციალისტები საერთაშორისო ორგანიზაციების ექსპერტების მიერ გაწეული კონსულტაციების მიხედვით მუშაობენ.

„აქ სამუშალები პირველი მარტიდან განახლდა. როგორც კი რესტავრაცია დასრულდება საკონსერვაციო სამუშაოებს დავიწყებთ“, – ამბობს ანთიძე.

შეგახსენებთ, ღვთისმშობლის სახელობის ტაძარში ხანძარი პირველ ნოემბერს, ღამით გაჩნდა. რის გამოც ქრისტეს ცხოვრების 17 ეპიზოდი, მათ შორის თამარისა და გიორგი მესამის უნიკალური კედლის მხატვრობა, შავი ფერით დაიფარა.


[თამუნა უჩიძე, ასპინძა]