ვარძიაში სარესტავრაციო სამუშოები იანვრიდან განახლდება

ამის შესახებ „სამხრეთის კარიბჭესთან“ კულტურული მემკვიდრეობის დაცვის ეროვნული სააგენტოს ხელმძღვანელი ნიკოლოზ ანთიძე აცხადებს. მისი თქმით, სარესტავრაციო სამუშაოებში უცხოელი სპეციალისტები თავად ჩაერთვებიან. ისინი ლონდონის უნივერსიტეტის კურტოს ხელოვნების ინსტიტუტის წარმომადგენლები არიან.

„მთავარი რაც იყო, პირველადი სამუშაოები, უკვე ჩავატარეთ. ძალიან ზუსტი ანალიზები გვაქვს გაკეთებული, რაც მუშაობას გაგვიადვილებს“, – ამბობს ანთიძე.

შეგახსენებთ, რომ პირველადი სამუშაოების დასრულების შემდეგ მიღებული შედეგების მიხედვით, როგორც ამას ექსპედიის ხელმძღვანელი ნანა კუპრაშვილი ამბობს, ვარძიის კედლის მხატვრობა პირვანდელ სახეს ვერ დაიბრუნებს.

შეგახსენებთ, ღვთისმშობლის სახელობის ტაძარში ხანძარი პირველ ნოემბერს, ღამით გაჩნდა. რის გამოც ქრისტეს ცოხვრების 17 ეპიზოდი, მათ შორის თამარისა და გიორგი მესამის უნიკალური კედლის მხატვრობა, შავი ფერით დაიფარა.

[თამუნა უჩიძე, ასპინძა]