ქეთევან ხმალაძის საქმის განხილვა სააპელაციოში არაერთხელ გადაიდო

ნინოწმინდაში მომხდარი ყაჩაღობისა და მკვლელობის საქმეზე სააპელაციო სასამართლოს 21 ივნისს უნდა ემსჯელა, თუმცა სხდომა კოლეგიიდან ერთ–ერთი მოსამართლის შვებულებაში ყოფნის გამო გადაიდო.

მას შემდეგ რაც ხმალაძის საქმეში ერთ–ერთ მსჯავრდებულს ივანე გელაშვილს პროკურატურამ საპროცესო გაუფორმა, მას შემდეგ სასამართლოში საქმის განსახილველად პროცესი აღარ გამართულა.

მომავალი სასამართლო სხდომა სააპელაციოში 26 ივლისს ჩაინიშნა.

შეგახსენებთ, ახალციხის რაიონულმა სასამართლომ 13 იანვარს ნინოწმინდაში, ჩარენცის ქუჩაზე მომხდარი ყაჩაღობისა და მკვლელობის საქმეში ბრალდებულად 5 პირი ცნო. ხუთიდან ორს ყაჩაღობაში დახმარებისთვის, დანარჩენებს კი ყაჩაღობისთვის თავისუფლების აღკვეთა მიუსაჯა.

მკვლელობის ნაწილში კი გამოაცხადა, რომ დაუდგენელია ეს ფაქტი სამი პირიდან რომლემა ჩაიდინა. შესაბამისად ჯეირანაშვილმა ამ ნაწილში გამამართლებელი განაჩენი გამოიტანა. ასევე გამამართლებელი განაჩენი გამოიტანა დანაშაულის შეუტყობინებლობისთვის ბრალდებულისთვისაც.

გადაწყვეტილებას ორივე მხარე ასაჩივრებს, დაცვის მხარე მსაჯვრდებულების გამართლებას ითხოვს, ბრალდების მხარე კი იმ პირების დამნაშავედ ცნობას, რომლებიც მოსამართლემ სხვადასხვა მუხლებში უდანაშაულოდ ცნო.

[თამუნა უჩიძე, ახალციხე]