სააპელაციო სასამართლოში ხმალაძის საქმის განხილვა იწყება

თბილისის სააპელაციო სასამართლოში ქეთევან ხმალაძის საქმეზე პირველი პროცესი 20 დეკემბერს გაიმართება. მეორე ინსტანციაში დაცვის მხარის წარმომადგენლები ხუთივე ბრალდებულთან მიმართებაში გამამართლებელ განაჩენს ითხოვენ.

პროკურორი ვასილ ოსიძე კი იმ სხვადასხვა ნაწილში ითხოვს ბრალდებულებისთვის გამამტყუნებელი განაჩენის გამოტანას, რაშიც ისინი პირველი ინსტანციის სასამართლომ გაამართლა. მათ შორის, ბერიძის მკვლელობისთვის ბრალდებას, დარიკო შავაძის კი დანაშაულის შეუტყობინებლობისთვის პასუხისგებაში მიცემას.

შეგახსენებთ, ახალციხის რაიონულმა სასამართლომ 13 იანვარს ნინოწმინდაში, ჩარენცის ქუჩაზე მომხდარი ყაჩაღობისა და მკვლელობის საქმეში ბრალდებულად 5 პირი ცნო. ხუთიდან ორს ყაჩაღობაში დახმარებისთვის, დანარჩენებს კი ყაჩაღობისთვის თავისუფლების აღკვეთა მიუსაჯა. მკვლელობის ნაწილში კი გამოაცხადა, რომ დაუდგენელია ეს ფაქტი სამი პირიდან რომლემა ჩაიდინა. შესაბამისად ჯეირანაშვილმა ამ ნაწილში გამამართლებელი განაჩენი გამოიტანა. ასევე გამამართლებელი განაჩენი გამოიტანა დანაშაულის შეუტყობინებლობისთვის ბრალდებულისთვისაც.

[თამუნა უჩიძე, ახალციხე]