სოფელ აბასთუმანის სკოლაში დაპირისპირების საქმეს განათლების სამინისტრო შეისწავლის

ამის შესახებ „სამხრეთის კარიბჭეს“ განათლებისა და მეცნიერების სამინისტროში განუცხადეს.

„წერილი უკვე ჩაგვბარდა და მოკვლევას დავიწყებთ“, – გვითხრეს განათლების სამინისტროს საზოგადოებასთან ურთიერთობის სამსახურში.

შეგახსენებთ, რომ აბასთუმნის საჯარო სკოლის პედაგოგის დათა დათაშვილის ადვოკატმა თამარ ნებიერიძემ სამინისტროს 37 გვერდიანი საჩივრით მიმართა. პედაგოგი სამინისტროს დირექტორის მხრიდან დისკრიმინაციულ მოპყრობაზე რეაგირებას ითხოვს.

„სამინსიტროს შეუძლია სკოლას მისცეს გაფრთხილება, ან თავად მიიღოს ზომები, როგორც ამ დირექტორის დამსაქმებელმა და უფლებამოსილება შეუწყვიტოს მას“, – ამბობს თამარ ნებიერიძე.

მოთხოვნებთან ერთად საჩივარაში დირექტორის მისამართით გაჟღერებული არა ერთი ბრლადების შესახებაც წერია. მაგალითად, ნებიერიძე ასაბუთებს, რომ ობოლაშვილს სკოლის პედკოლექტივისთვის დათაშვილის შესაძლო დისციპლლინური გადაცოდმის საკითხების განხილვის უფლება არ ჰქონდა: „ეს არ არის საჯარო საქმე, მან პერსონალური მონაცემები გასცა და ამცნო სრულიად საზოგადოებას, რომ ეს კაცი უღირსად იქცევა. ეს დირექტორის მხრიდან მასწავლებლის დისკრიმინაციაა“.

[თამუნა უჩიძე, ახალციხე]