აბასთუმნის სკოლის ყოფილი მასწავლებლის სარჩელი სასამართლომ წარმოებაში მიიღო

ახალციხის რაიონულმა სასამართლომ სოფელ აბასთუმნის სკოლის ყოფილი მასწავლებლის დათა დათაშვილის სარჩელი წარმოებაში მიიღო. საქმე მოსამართლე შალვა მჭედლიშვილს დაეწერა, თუმცა პროცესი ჯერ არ ჩანიშნულა, რადგან სასამართლო ამ დროისთვის მოპასუხე მხარის შესაგებელს ელოდება.

შეგახსენებთ, რომ დათაშვილმა სასამართლოში სარჩელი 14 აგვისტოს შეიტანა. მისი მოთხვონებია: მისი გათავისუფლების შესახებ ბრძანების ბათილად ცნობა, განაცდურის ანაზღაურება და სამსახურში აღდგენა.

შეგახსენებთ, რომ სოფელ აბასთუმნის საჯარო სკოლის დირექტორმა ქეთევან ობოლაშვილმა დათა დათაშვილი 7 ივლისს სამსახურიდან იმ დისციპლინური გადაცდომების გამო გაათავისუფლა, რომელთა დარღვევაც დათაშვილს სკოლაში დისციპლინური კომიტეტის არცერთ სხდომაზე არ დაუდგინდა. დათაშვილმა მისი გათავისულფების შესახებ ბრძანება, სამეურვეო საბჭოში გაასაჩივრა და 12 ივლისს დაუკმაყოფილეს კიდეც, თუმცა დირექტორმა საბჭოს გადაწყვეტილება არ აღასრულა. ამჯერად დათაშვილის სამსახურში აღდგენას სასამართლოს ძალით ითხოვს.

[თამუნა უჩიძე, ახალციხე]