აბასთუმნის სკოლის პედაგოგმა დირექტორს სასამართლო მოუგო

გადაწყვეტილება მოსამართლე შალვა მჭედლიშვილმა 15:00 საათზე გამაოცხადა. მან სოფელ აბასთუმნის საჯარო სკოლის პედაგოგის დათა დათაშვილის სასარჩელო მოთხოვნა სრულად დააკმაყოფილა. მოსამართლემ ბათილად ცნოა დათაშვილის სამსახურიდან გათავისუფლების შესახებ დირექტორის ქეთევან ობოლაშვილის მიერ დაწერილი ბრძანება, დათაშვილი სამსახურში აღადგინა და ასევე სკოლას მისთვის იძულებით განაცდურის ანაზღაურება დაავალა.

გაასაჩივრებს თუ არა ქეთევან ობოლაშვილი ახალციხის რაიონული სასამართლოს გადაწყვეტილებას უცნობია. იგი სასამართლო სხდომას არ ესწრებოდა. მისმა წარმომადგენელმა ნინო დემეტრაძემ კი განაცხადა, რომ ეს ჯერ ამ საკთხზე კომენტარს ვერ გააკეთებს.

შეგახსენებთ, რომ დათაშვილმა სასამართლოში სარჩელი 14 აგვისტოს შეიტანა. მისი მოთხვონები იყო: მისი გათავისუფლების შესახებ ბრძანების ბათილად ცნობა, განაცდურის ანაზღაურება და სამსახურში აღდგენა.

ასევე შეგახსენებთ, რომ სოფელ აბასთუმნის საჯარო სკოლის დირექტორმა ქეთევან ობოლაშვილმა დათა დათაშვილი 7 ივლისს სამსახურიდან იმ დისციპლინური გადაცდომების გამო გაათავისუფლა, რომელთა დარღვევაც დათაშვილს სკოლაში დისციპლინური კომიტეტის არცერთ სხდომაზე არ დაუდგინდა. დათაშვილმა მისი გათავისუფლების შესახებ ბრძანება, სამეურვეო საბჭოში გაასაჩივრა და 12 ივლისს დაუკმაყოფილეს კიდეც, თუმცა დირექტორმა საბჭოს გადაწყვეტილება არ აღასრულა. ამჯერად დათაშვილის სამსახურში აღდგენას სასამართლოს ძალით ითხოვს.

[თამუნა უჩიძე, ახალციხე]