გიორგი კვირიკაშვილმა მინისტრთა კაბინეტის წევრები წარადგინა

გიორგი კვირიკაშვილის განმარტებით, ახალ მთავრობაში აღარ იქნება სამი მინისტრი ნოდარ ხადური, ნოდარ ჯავახიშვილი და დავით ბაქრაძე.

► ფინანასთა მინისტრს ნოდარ ხადურს დიმიტრი ქუმსიშვილი შეცვლის; ენერგეტიკის სამინისტროში დაბრუნდება კახი კალაძე;

► ეკონომიკის მინისტრად იმუშავებს გიორგი გახარია. იგი აღმასრულებელ ხელისუფლებაში პარლამენტიდან ინაცვლებს;

► ინფრასტრუქტურისა და რეგიონული განვითარების მინისტრის თანამდებობაზე ნოდარ ჯავახიშვილს ზურაბ ალავიძე შეცვლის;

► ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის თანამდებობაზე დავით ბაქრაძის ნაცვლად იმუშავებს ვიქტორ დოლიძე;

► უქმდება საქართველოს სახელმწიფო მინისტრის აპარატი დიასპორის საკითხებში, რომელსაც გელა დუმბაძე ხელმძღვანელობდა. ეს სტრუქტურა საგარეო საქმეთა სამინისტროში შედის. საგარეო საქმეთა სამინისტროს კი უხელმძღვანელებს მიხეილ ჯანელიძე;

პრემიერის განმარტებით, დანარჩენ სამინისტროებს ცვლილებები არ შეეხება:

► საქართველოს შრომის, ჯანმრთელობისა და სოციალური დაცვის მინისტრი – დავით სერგეენკო;

► საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი – სოზარ სუბარი;

► საქართველოს განათლებისა და მეცნიერების მინისტრი – ალექსანდრე ჯეჯელავა;

► საქართველოს სოფლის მეურნეობის მინისტრი – –ლევან დავითაშვილი;

► საქართველოს კულტურისა და ძეგლთა დაცვის მინისტრი – მიხეილ გიორგაძე;

► საქართველოს სპორტისა და ახალგაზრდობის საქმეთა მინისტრი – ტარიელ ხეჩიკაშვილი;

► საქართველოს თავდაცვის მინისტრი – ლევან იზორია;

► საქართველოს იუსტიციის მინისტრი – თეა წულუკიანი;

► საქართველოს შინაგან საქმეთა მინისტრი – გიორგი მღებრიშვილი;

► საქართველოს სასჯელაღსრულების და პრობაციის მინისტრი – კახა კახიშვილი;

► საქართველოს გარემოსა და ბუნებრივი რესურსების დაცვის მინისტრი – გიგლა აგულაშვილი;

► შერიგებისა და სამოქალაქო თანასწორობის საკითხებში სახელმწიფო მინისტრი – ქეთევან ციხელაშვილი;

მთავრობის ახალი შემადგენლობის დასახელებამდე, კვირიკაშვილმა მადლობა გადაუხადა მინისტრთა კაბინეტის ძველ შემადგენლობას.

ყველა დასახელებული ადამიანი ჯერ მხოლოდ მინისტრობის კანდიდატია. მათ ლეგიტიმაციისათვის პარლამენტის მხარდაჭერა სჭირდებათ. მთავრობის ადმინისტრაციის ცნობით, მინისტრთა კაბინეტის ახალი შემადგენლობა პარლამენტს დღესვე გადაეგზავნება.

[ნინო ნარიმანიშვილი, ახალციხე]