ვეტერანებმა საქმე სააპელაციოში გაასაჩივრეს

ამის შესახებ „სამხრეთის კარიბჭეს“ ახალციხის რაიონულ სასამართლოში განუცხადეს.

ვეტერანები ახალციხის რაიონული სასამართლოს გადაწყვეტილების ბათილად ცნობას ითხოვენ, რომლის თანახმადაც მათ უნებართვოდ დაკავებული ყოფილი სკოლის შენობა უნდა დატოვონ.

მას შემდეგ რაც სასამართლომ აღნიშნული გადაწყვეტილება გამოიტანა, ვეტერანები იმის შესახებ, აპირებდენ თუ არა საქმის გასაჩივრებას, ღიად არ საუბრობდნენ. მათ შორის აზრთა სხვადასხვაობა იყო, ნაწილი ფიქრობდა, რომ გასაჩივრებას აზრი არ ჰქონდა, რადგან სადავო შენობას მაინც დაატოვებინებდნენ. ნაწილს კი მიაჩნდა, რომ წაგების შემთხვევაშიც კი გასაჩივრებით დროს მოიგებდნენ, ანუ ყოფილი სკოლის შენობას უფრო გვიან დაატოვებინებდნენ.

შეგახსენებთ, რომ ახალციხის რაიონული სასამართლოს მოსამართლე გიორგი ლონდარიძემ ახალციხის მერიის სარჩელი დააკმაყოფილა და მან პეტრე იბერის ქუჩაზე N17-ში შესახლებული ვეტერანების გამოსახლების შესახებ გადაწყვეტილება მიიღო.

[თამუნა უჩიძე, ახალციხე]