კვირიკაშვილი: მუნიციპალიტეტების შემცირება არ ნიშნავს მათი ბიუჯეტების შემცირებას

გიორგი კვირიკაშვილმა მთავრობის სხდომაზე ადგილობრივი თვითმართველობის ორგანოების გაერთიანების საკითხზე ისაუბრა.

„ბოლო პერიოდში იყო სპეკულაციები და საკმაოდ ცხარე განხილვები, რომ რამე ემუქრება საქართველში თვითმმართველობას. თვითმართველობის რეფორმა არის დინამიური, ცოცალი ორგანიზმი და მას სჭირდება, რა თქმა უნდა, კორექტირებები. ბოლო 3 წლის განმავლობაში გამოიკვეთა მთელი რიგი ნაკლოვანებები, რომელიც ხელს უშლის თვითმართველობის პოზიტიურ კონტექსტში წარმოჩენას და ჭეშმარირტი თვითმართველობის განვითარებას საქართველოში. ეს გახლავთ, 14 მუნიციპალიტეტში დაფიქსირებული პრობლემა და ჩვენ 14 მუნიციპალიტეტის რაოდენობას ვამცირებთ 7-მდე, რაც არ ნიშნავს, ბიუჯეტის შემცირებას ამ მუნიციპალიტეტებში,მუნიციპალური ბიუჯეტები გაერთიანდება. როდესაც ქალაქის და რაიონის მუნიციპალიტეტებს გავაერთიანებთ, ამ შემთხვევაში ავტომატუერად დაჯამდება ის ბიუჯეტი რაც არსებობდა ამ რაიონში, თუ ქალაქში და არავითარ შემთხვევაში არ მოაკლდება არც ერთი თეთრი ამ ქალაქის ბიუჯეტს“,-განაცხადა პრემიერმა.

პრემიერის თქმით, ამ რაიონებში იყო პრობლემები ორხელისუფლიანობასთან დაკავშირებით და ბევრი ფუნქციის დუბლირება ხდებოდა.

„მეორე, მიზეზი რის გამოც ჩვენ ამას ვაკეთებთ, გახლავთ ის, რომ ამ რაიონებში იყო ორხელისუფლიანობა, იყო უამრავი პრობლემა, აღსრულების ეფექტიანების კუთხით და უამრავი ფუნქციის დუბლირება ხდებოდა მთელ რიგ შემთხვევებში. ამ ემპირიულმა გამოცდილებამ გამოიწვია ძალიან მნიშვნელოვანი ცვლილებების შეტანა. საქართველოში თვითმართველობა აუცილებლად განვითარდება და კიდევ უფრო ჩაიშლება დაბალ მუნიციპალურ დონეებზე, ამას წინა არაფერი არ უდგას და სპეკულაციებს, რომელსაც ჩვენ ვისმენდით მთელი ამ პერიოდის განმავლობაში, არანაირი საფუძველი არ გააჩნია.

უფრო მეტიც, ჩვენ დღევანდელ ცვლილებებში გვაქვს გათვალისწინებული ის, რომ ყველა მერიაში ჩამოყალიბდება აღმსარულებელი კოლეგიური ორგანო, რომელიც გაეერთიანებს მერის მოადგილეეებს, მერიის სამსახურების უფროსებს. ამით თავიდან იქნება აცილეებული ერთპიროვნული გადაწყვეტილებები და ამ გადაწყვეტილების მიღებაში ჩართული იქნება ყველა აუცილებელი დარგობრივი რგოლი, რაც უზრუნვეყოფს საკითხების სრულფასოვან და კვალიფიციურ, ხარისხზე ორიენტირებული გადაწყვეტლებების მიღებას. მნიშვნელოვანია, რომ საკრებულოებს მიეცემათ დემოკერატიული კონტროლის განხორციელების რეალური ბერკეტები“,- განაცხადა პრემიერმა.

[sknews.ge]