ახალციხის სკოლებმა სოფელ ხულგუმოს სამოქალაქო კლუბს უმასპინძლეს

პირველ დღეს ხულგუმოს მოსწავლეები ახალციხის ციხეს ესტუმრნენ - 26 მაისის დამოუკიდებლობის დღისადმი მიძღვნილ ღონისძიებებში ჩაერთვნენ. საღამოს კი, მოსწავლეთა მშობლების ხელშოწყობით ოჯახებში მომზადდა ტრადიციული ქართული და სომხური კერძები - სადაც ქართულ-სომხურ ტრადიციებს გაეცვნენ.

27 -28 მაისს ახალციხის ახალგაზრდულ ცენტრში საინიციატივო ჯგუფის წევრებმა "ცვლილებები იწყება ჩვენგან" სალომე ღუღუნიშვილმა და ნათუკა კურტანიძემ - პროგრამის მონაწილე ქართულ-სომხური სექტორის სამოქალაქო კლუბის წევრებს პროექტის "ახალგაზრდა ჯგუფების მობილიზება ადრეული ქორწინების პრევენციისთვის“ ფარგლებში, მხატვრული ფილმი "გრძელი ნათელი დღეების" უჩვენეს.

აღნიშნული ფილმის ჩვენება პრობლემების იდენტიფიცირებისთვის გაიმართა, რის შემდეგაც პროექტის მონაწილე ახალგაზრდებს შორის დისკუსია მოეწყო. ფილმის ჩვენებების დასრულების შემდეგ სამოქალაქო კლუბის წევრებს, საინიციატივო ჯგუფმა მიაწოდა ინფორმაცია სამომავლო გეგმების შესახებ, რაც გულისხმობს - ვიდეო რგოლების კონკურსს, რომელშიც გამოვლინდება ორი საუკეთესო ვიდეო რგოლი. ავტორები კი, ფასიანი პრიზებით დაჯილდოვდებიან. აღნიშნულ კონკურსში სამოქალაქო კლუბის წვერებიც ჩარეთვებიან.

დასკვნით ღონისძიებაზე ქართული და სომხური კლუბის წევრები სამ ჯგუფად დაიყვნენ და წარადგინეს ქართული, სომხური და ამერიკული ოჯახები იუმორისტული მინი-სპეკტაკლი.

„მიუხედავად იმისა, რომ ჩვენ ერთმანეთის ენა არ გვესმოდა, მაინც ვახერხებდით ღნისძებებში მონაწილეობას. არ ვიყავი ნამყოფი რაბათის ციხეზე, მომეწონა ნაადრევ ქორწინებაზე დისკუსია და ყველაზე საინტერესეო იყო ინტეგრირებულ ჯგუფში მუშაობა სპეკტაკლზე“, - აღნიშნა პროგრამის მონაწილემ იური დულხანიანმა.

აღნიშნულ პროგრამაში მონაწილეობდა 30 მოსწავლე ქართულ და სომხური პარტნიორი საჯარო სკოლებიდან. ქართული სექტორის ახალციხის მუნიციპალიტეტის სოფელ სვირის, ფერსის, ზიკილიისა და გურკელის საჯარო სკოლების მოსწავლეების ოჯახებმა უმასპინძლა სომხური სექტორის ახალქალაქის მუნიციპალიტეტის სოფელი ხულგუმოს საჯარო სკოლის სამოქალაქო კლუბის 19 მოსწავლეს.

აღნიშნული გაცვლითი პროგრამის მიზანი იყო ქართულ-სომხური კულტურის გაცნობა და სასკოლო სამოქალაქო კლუბების დაახლოება, ასევე ერთობლივი ღონისძიებების დაგეგმვა და განხორციელება.

[sknews.ge]