‘ევროპულმა საქართველომ’ დამფუძნებელი ყრილობა გამართა

ფოტო – ტაბულა

დღეს, 27 მაისს, სპორტის სასახლეში პარტია ‘ევროპული საქართველოს’ ყრილობა გაიმართა. დელეგატებმა პარტიის თავმჯდომარედ დავით ბაქრაძე, გენერალური მდივნად კი თბილისის ყოფილი მერი გიგი უგულავა აირჩიეს.

ასევე აირჩა ახალი პოლიტიკური საბჭო, რომლის სიაშიც 12 ქალი და 79 მამაკაცია. საბჭოს თავმჯდომარე გიგა ბოკერია იქნება.

რაც შეეხება მერობის კანდიდატს, ‘ევროპული საქართველოს’ თბილისის მერობის კანდიდატად ელენე ხოშტარია წარადგინეს. მან ‘ერთიანი ნაციონალური მოძრაობა’, პარტიის სხვა ლიდერებთან ერთად 12 იანვარს დატოვა. ხოშტარია მეცხრე მოწვევის პარლამენტის წევრია.

"ჩვენ შევცვლით ივანიშვილის რეჟიმს ქვეყნის რყევისა და ნგრევის გარეშე", - განაცხადა ახლად არჩეულმა პარტიის გენერალურმა მდივანმა გიგი უგულავამ სიტყვით გამოსვლისას.

‘ევროპული საქართველოს’ დამფუძნებელი ყრილობა დღეს, 27 მაისს, 15:00 საათზე დაიწყო და ერთი საათია მიმადინარეობს.

[თაკო ფეიქრიშვილი, ახალციხე]