ვალიდან "ენერგო–პრო–ჯორჯიას" ზარალის ანაზღაურების მიზნით მიმართეს

„ენერგო–პრო–ჯორჯიაში“ აცხადებენ, რომ მას შემდეგ რაც ვალეში მაღალი ძაბვის გამო მოსახლეობას ელექტროტექნიკა გადაეწვა, კომპანიის
წარმომადგენლებმა სოფელში აღწერა ჩაატარეს.

„ჩვენი თანამშრომლები იყვნენ გასულები დაზარალებულებთან, აღწერეს, ასევე დააკვალიანეს მოსახლეობა თუ რა დოკუმენტებით უნდა მოგვმართონ იმისთვის, რომ შემდეგ მოკვლევა ჩატარდეს და ზარალი ავუნაზღაუროთ“, – აცხადებენ „ენერგო–პრო–ჯორჯიას“ საზოგადოებასთან ურთიერთობის სამსახურში.

მათივე განცხადებით, ამ დროისთვის კომიანიას მხოლოდ ერთმა აბონენტმა მიმართა: „რვას კიდევ ველოდებით“.

მიიღებს თუ არა 9 დაზარალებული აბონენტი კომპენსაციას, ეს მას შემდეგ გაირკვევა რაც კომპანიის შესაბამისი სამსახური ვითარებას შეისწავლის.

შეგახსენებთ, რომ ვალეში მაღალი ძაბვის გამო ადგილობრივებს ელექტროტექნიკა დაეწვათ.

[თამუნა უჩიძე, ახალციხე]