ადგილობრივების შეფასებები ენის სტატუსის შესახებ

-”არა, მე არაფერი ვიცი, მიხარია, რომ მსგავსი ნაბიჯი გადადგეს. სომხური ენის სტატუსი ძალიან მნიშვნელოვანია. სკოლებში სომხური ენის დონე ძალიან დაბალია, როდესაც ბავშვს სომხურ ისტორიაზე ან ლიტერატურაზე ეკითხები, ხედავ, რომ ცოდნა ძალიან დაბალ დონეზეა. ჩვენ პირველ რიგში საკუთარი ენა უნდა ვისწავლოთ“, – ამბობს ერთ–ერთი რესპონდენტი, რომელმაც ვინაობის დასახელება არ მოისურვა.

მიასნიკ ხრიმიანი ახალქალაქის ერთ–ერთი აქტიური მოქალაქეა. მან მიმართვის შესახებ იცის და მხარს უჭერს, თუმცა, მისი ინიციატორებისადმი არაერთმნიშვნელოვანი დამოკიდებულება აქვს.

”ძალიან გაკვირვებული ვარ, რომ ენაზე ლაპარაკობს ხალხი, ვინც რამდენიმე თვის წინ ენის წინააღმდეგ იბრძოდა. თუმცა ეს მოსალოდნელიც იყო. ვფიქრობ, სომხური ენა უნდა დავიცვათ, ანუ სკოლებში სომხური ენის საათების რაოდენობა უნდა აღდგეს, ხალხს ქართული ენის სწავლას არავინ უნდა აიძულებდეს.ისწავლოს მხოლოდ იმან, ვისაც ეს უნდა“, – ამბობს იგი.

ჩვენი გამოკითხვის მონაწილე კიდევ ერთმა ქალბატონმა არ მოინდომა ვინაობის დასახელება. მან აღნიშნული მიმართვის შესახებ ყველაფერი იცის და მოვლენების განვითარებას ყურადღებით ადევნებს თვალს.

”ძალიან კარგად წარმომიდგენია რას მოგვცემს ენის რეგიონული სტატუსი. პირველ რიგში, ნებისმიერ ადგილობრივ მცხოვრებს სახელმწიფოსთან დაკავშირებული ნებისმიერი საკითხის მოგვარების საშუალება მიეცემა ისე, რომ თარჯიმნის აუცილებლობა არ ექნება. მაგალითად, სასამართლოში განსასჯელიც, ადვოკატიც და მოსამართლეც სომხები არიან, სასამართლო პროცესი კი ქართულად მიმდინარეობს. რატომ?“ – ამბობს იგი.

[აღუნიკ აივაზიანი, ახალქალაქი]