ნარეკ გალსტიანი: "ქარტიის რატიფიცირება ცოტა დააგვიანეს კიდეც”

- ”რეგიონული ენის სტატუსი ნიშნავს, რომ ჯავახეთის ტერიტორიაზე ქართული ენის პარალელურად ოფიციალურ დონეზე სომხურითაც ისარგებლებენ; ჯავახეთის ტერიტორიაზე სომხურენოვანი განათლების ორგანიზების საკითხი სამართლებრივად იქნება დაცული; ასევე ეს ნიშნავს ადგილობრივი, ტერიტორიული და რეგიონული მმართველობის ორგანოების საქმიანობაში სომხური ენის გამოყენებას“, – ამბობს ნარეკ გალსტიანი.

ექსპერტი მიიჩნევს, რომ ივანიშვილის მომხრეები ჯერჯერობით პასიურად, მაგრამ გარკვეულ დონეზე მაინც ფიქრობენ ”ეროვნული უმცირესობების ენების ევროპული ქარტიის“ რატიფიკაციის თემაზე. მისი თქმით, ამ საკითხის სწორედ აღნიშნულ დროს წინ წამოწევა განპირობებულია მოსახლეობის იმედით, რომ ივანიშვილის განხორციელებული პოლიტიკა სომხური ენის სტატუსის საკითხის გადაწყვეტის საშუალებას იძლევა.

”ცოტა დაიგვიანეს კიდეც. საქართველო ევროპულ ქარტიას 1999 წელს შეუერთდა, თუმცა, სომხეთისგან განსხვავებით, რომელმაც ეს ნაბიჯი 2001 წელს გადადგა, საქართველოს რეგიონული ენების კონვენციის რატიფიცირება არ მოუხდენია და შედეგად ჯავახეთის ტერიტორიაზე ჩვენ ენისა და შესაბამისად განათლების პრობლემა გვაქვს“, – ამბობს იგი.

შეიძლება თუ არა სომხური ენისთვის რეგიონული სტატუსის მინიჭება საქართველოს სხვა ეთნიკური ჯგუფებისთვის პრეცედენტად იქცეს და მათაც იგივე მოითხოვონ, ამ საკითხზე ნარეკ გალსტიანი შემდეგნაირად მსჯელობს: ”კონვენცია ყველა ეთნიკური ჯგუფის მშობლიური ენისთვის რეგიონული სტატუსის ”ისე, უბრალოდ“ მინიჭებას არ გულისხმობს. ამისთვის კონვენციაში საკმაოდ მკაფიო კრიტერიუმებია განსაზღვრული. ამიტომ არ ვფიქრობ, რომ სხვა ეთნიკური ჯგუფები კონვენციიდან დიდი სარგებლის ნახვას შეძლებენ“.

[აღუნიკ აივაზიანი, ახალქალაქი]