მე–12 კლასელები გამოსაშვებ გამოცდას ბიოლოგიასა და უცხო ენებში აბარებენ

მე–12 კლასელებისათვის ბიოლოგიასა და უცხო ენებში გამოცდები, დილის 09:00 საათიდან დაიწყო.

როგორც, ახალციხის რესურსცენტრის დირექტორი ხათუნა ხმალაძე აცხადებს, საგამოცდო პროცესი მშვიდ ვითარებაში მიმდინარეობს.

გამოსაშვებ გამოცდებზე მინიმალური გამსვლელი ქულაა 5.5. შეფასების ათვლა იწყება 5 ქულიდან და ზღვრის გადასალახად მოსწავლემ დაახლოებით, 15 მარტივ კითხვას უნდა გასცეს სწორი პასუხი.

ხვალ, 23 მაისს კი მე–12 კლასელებისათვის გამოსაშვები გამოცდები, ისტორიასა და ფიზიკაში გაგრძელდება.

ქალაქ ახალციხესა და თემში გამოცდებს დაახლოებით 490 მე–12 კლასელი აბარებს. გარდა ამისა გამოცდებზე ის მოწავლეებიც არიან დარეგისტრირებულები, რომლებმაც გასულ წელს მინიმალური ქულები ვერ დააგროვეს.

გამოსაშვები გამოცდები საქართველოს 1 500-ზე მეტ სკოლაში ტარდება. შეფასებისა და გამოცდების ეროვნული ცენტრის ინფორმაციით, გამოცდებისათვის 48 000-ზე მეტი მოსწავლეა დარეგისტრირებული.

იმ მოსწავლეებს, რომლებმაც მე-11 კლასის რომელიმე გამოცდაში ზღვარი ვერ გადალახეს ან ვერ შეძლეს გამოცდაზე გამოცხადება, საშუალება აქვთ რვავე გამოცდა ერთდროულად ჩააბარონ. გამოცდას აბარებენ მე–12 კლასელებიც, რომლებმაც გასული წლის გამოცდაზე საჭირო ქულები ვერ დააგროვეს.

[sknews.ge]