მე–12 კლასელები გამოსაშვებ გამოცდას ქართულ ენასა და ლიტერატურაში აბარებენ

ქართულ ენასა და ლიტერატურაში გამოცდა 09:00 საათზე დაიწყო და ამ დრომდე გრძელდება. გამოსაშვებ გამოცდებზე მინიმალური გამსვლელი ქულაა 5.5. შეფასების ათვლა იწყება 5 ქულიდან და ზღვრის გადასალახად მოსწავლემ დაახლოებით, 15 მარტივ კითხვას უნდა გასცეს სწორი პასუხი.

ახალციხის საგანმანათლებლო რესურსცენტრის ხელმძღვანელი ხათუნა ხმალაძის განმარტებით გამოცდები მშვიდ ვითარებაში მიმდინარეობს და შეფერხება არცერთ სკოლაში არ არის.

მისივე თქმით, ქალაქ ახალციხესა და თემში გამოცდებს დაახლოებით 490 მე–12 კლასელი აბარებს.გარდა ამისა გამოცდებზე ის მოწავლეებიც არიან დარეგისტრირებულები, რომლებმაც გასულ წელს მინიმალური ქულები ვერ გააგროვეს.

გამოსაშვები გამოცდებისაქართველოს 1 500-ზე მეტ სკოლაში ტარდება. შეფასებისა და გამოცდების ეროვნული ცენტრის ინფორმაციით, გამოცდებისათვის 48 000-ზე მეტი მოსწავლეა დარეგისტრირებული.

მე-12 კლასის მოსწავლეები გამოცდას 4 საგანში (ქართული, უცხო ენები, ისტორია, მათემატიკა) ჩააბარებენ.

იმ მოსწავლეებს, რომლებმაც მე-11 კლასის რომელიმე გამოცდაში ზღვარი ვერ გადალახეს ან ვერ შეძლეს გამოცდაზე გამოცხადება, საშუალება აქვთ რვავე გამოცდა ერთდროულად ჩააბარონ. გამოცდას აბარებენ მე12 კლასელებიც, რომლებმაც გასული წლის გამოცდაზე საჭირო ქულები ვერ დააგროვეს.

[sknews.ge]