სოფელ ივლიტასთან ქალს ავტომანქანა დაეჯახა

ავტოსაგზაო შემთხვევა დღეს 20 მაისს, საღამოს მოხდა. თვითმხილველების ინფორმაციით, ქალი ივლიტასთან, გაჩერებაზე იდგა. ამ დროს ორივე მიმართულებით მანქანები მოძრაობდნენ. უცებ ქვეითმა ავტობუსი დაინახა, რომელიც სავარაუდოდ ვალისკენ მიმავალი ეგონა და გზაზე გადავიდა. სწორედ ამ დროს დაეჯახა მას მომავალი მანქანა.

ქალი ვალეს მცხოვრებია. იგი სასწრაფო–სამედიცინო დახმარების სამსახურმა საავადმყოფოში გადაიყვანა. მისი მდგომარეობის შესახებ "სამხრეთის კარიბჭე" ინფორმაციის მოკვლევას ცდილობს. თვითმხილველის თქმით, სერიოზული დაზიანებები არ აღენიშნებოდა.

შსს–ში აცხადებენ, რომ მომხდარზე გამოძიება სისხლის სამართლის კოდექსის 276–ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

[sknews.ge]