ახალციხის საკრებულოს სხდომა ხმაურის ფონზე მიმდინარეობს

დავით ლომიძემ გაყოფის შემდეგ მერიისა და საკრებულოს მუშაობა საერთო ჯამში უარყოფითად შეაფასა. მისი თქმით, გაიზარდა აიპ–ების რაოდენობა, შესაბამისად ხარჯიც.

ლომიძე ამბობს, რომ ინვესტიცია სოფელში იდება და ქალაქში არა, რის გამოც ქალაქის განვითარება ფერხდება.

საკრებულოს თავმჯდომარის გადაწყვეტილება უკვირთ ოპოზიციონერ დეპუტატებს. მათი განმარტებით, მუნიციპალიტეტების შეერთების შემთხვევაში ნაკლები დაფინანსება ექნებათ.

"დღევანდელი დღე ისტორიული და სამარცხვინოა, რომ უმრავლესობა დღეს მერიის მუშაობას უარყოფითად აფასებს", – განაცხადა ფრაქცია "ევროპული საქართველოს" წევრმა მალხაზ გიქოშვილმა.

გაერთიანებული დემოკრატიული მოძრაობის“ სამცხე–ჯავახეთის რეგიონული კოორდინატორის, საკრებულოს წევრის ჯიმშერ გოგოლაურის განმარტებით საკრებულომ გადაწყვეტილების მიღებამდე თვითმმართველი ქალაქის და თემის გაერთიანების შესახებ, ჯერ ხალხს უნდა ჰკითხონ და გადაწყვეტილემა ამის შემდეგ მიიღონ.

სხდომას ესწრება ახალციხელი მურთაზ ყურმაშვილი, იგი საზოგადოებრივი დარბაზის წევრია. მისი აზრით თუ თვითმმართელობების უფლებამოსილებები არ გაიზარდა, ისე აზრი არ აქვა ზოგადად თვითმმართველობის არჩევას. მისი აზრით, სამინისტროების დელეგირება უნდა მოხდეს და თვითმმართველობასთან შეთანხმებით უნდა ხდებოდეს პოლიციის უფროსის დანიშვნა, ნებისმიერი საგზაო პრობლემის გადაწყვეტა და ა.შ.

შეგახსენებთ, რომ დეპუტატები ქალაქ ახალციხის საკრებულოში თვითმმართველი ქალაქის სტატუსის გაუქმების შესახებ საკრებულოს რიგგარეშე სხდომაზე ამ წუთებში მსჯელობენ.

მთავრობა 12 თვითმმართველი ქალაქიდან შვიდისთვის სტატუსის გაუქმებას ფიქრობს. ეს ქალაქებია: ოზურგეთი, გორი, ამბროლაური, ახალციხე, თელავი და მცხეთა. დღეს, 19 მაისს აქ ქალაქებისა და ასევე მათი თემების საკრებულოებში გაერთიანების საკითხზე სხდომება იმართება;

[sknews.ge]