ახალციხის საკრებულომ თემთან შეერთების გადაწყვეტილება მიიღო

9 მომხრე და 5 წინააღმდეგი, ქალაქ ახალციხის საკრებულოს უმრავლესობა მთავრობის პოზიციას – ახალციხეს თვითმმართველი ქალაქის სტატუსი გაუუქმონ, ერთხმად დაეთანხმა.

სხდომა, რომელიც ხმაურის ფონზე მიმდინარეობდა და ერთ საათს გაგრძელდა.

ქალაქის თემთან შეერთებას მხარი ოპოზიციური ფრაქციის „ევროპული საქართველოს“ სამმა წარმომადგენელმა არ დაუჭირა.

"ევროპული საქართველოს" წევრის მალხაზ გიქოშვილის თქმით:"დღევანდელი დღე ისტორიული და სამარცხვინოა, რომ უმრავლესობა დღეს მერიის მუშაობას უარყოფითად აფასებს".

შეგახსენებთ, რომ მთავრობა 12 თვითმმართველი ქალაქიდან შვიდისთვის სტატუსის გაუქმებას ფიქრობს. ეს ქალაქებია: ოზურგეთი, გორი, ამბროლაური, ახალციხე, თელავი და მცხეთა. დღეს, 19 მაისს ამ ქალაქებისა და ასევე მათი თემების საკრებულოებში გაერთიანების საკითხზე სხდომება იმართება;

დღეს, 19 მაისს დილიდან ახალციხის არასამთავრობო ორგანიზაციებმა თემისა და ქალაქის საკრებულოებისადმი მიმართვა გაავრცელეს, სადაც მათ იმედი გამოთქვეს, რომ დეპუტატების გადაწყვეტილება მოქალაქეთა ინტერესებს დაეფუძნება. ამავე მიმართვაში ასევე საუბარია იმაზე, რომ ადგილობრივი მოსახლეობის პოზიცია თემისა და ქალაქის გაერთიანებასთან დაკავშირებით უარყოფითია.

[sknews.ge]