საქართველოს პროკურატურა სტაჟიორებს არჩევს

იურიდიული ფაკულტეტის მეოთხე კურსის სტუდენტებს სამცხე–ჯავახეთის ოლქის პროკურორი მალხაზ კაპანაძე და რაიონული პროკურორი დავით ჯინჭველაძე დღეს, 18 მაისს, შეხვდნენ. პროკურატურის წარმომადგენლებმა ახალგაზრდებს კონკურსის პირობები და მასში მონაწილეობის წესები გააცნეს.

სტაჟირების კონკურსში მონაწილეობის მსურველებმა, საკონკურსო განაცხადი (აპლიკაცია) 2017 წლის 15 მაისიდან 28 მაისის ჩათვლით საჯარო სამსახურის ბიუროს ვებგვერდის www.hr.gov.ge მეშვეობით უნდა წარადგინონ.

სააპლიკაციო განაცხადს თან უნდა ერთვოდეს: მოქალაქის პირადობის მოწმობა, დიპლომის ასლი (ან ცნობის ასლი ბაკალავრიატის დამამთავრებელ კურსზე სწავლის შესახებ) და სერთიფიკატის ასლი პროკურატურის, მოსამართლის ან ადვოკატთა საკვალიფიკაციო გამოცდის ჩაბარების შესახებ.

საკვალიფიკაციო სერთიფიკატის არქონის შემთხვევაში, პირს არ ეკრძალება კონკურსში მონაწილეობა.

მისი წარდგენა აუცილებელი იქნება სტაჟირების ეტაპის წარმატებით გავლისა და დანიშვნის შემთხვევაში.



შესარჩევი კონკურსი 3 ეტაპად განხორციელდება და მოიცავს შემდეგ ძირითად საფეხურებს:



ყველა საკონკურსო ეტაპის წარმატებით გავლის შემთხვევაში მონაწილეებს შესაძლებლობა მიეცემათ გაიარონ 1 წლამდე ანაზღაურებადი სტაჟირება საქართველოს პროკურატურაში. ხელფასის ოდენობა ყოველთვიურად 480 ლარს შეადგენს, რასაც წინ უძღვის სტაჟიორთა მოსამზადებელი სასწავლო კურსი, რომელსაც საქართველოს პროკურატურის წამყვანი სპეციალისტები და მენეჯერები უძღვებიან.



„სტაჟირების სისტემა არის ერთადერთი გზა, რომელიც მოგცემთ საშუალებას პროკურორები და გამომძიებლები გახდეთ“,– უთხრა სტუდენტებს სამცხე–ჯავახეთის ოლქის პროკურორმა მალხაზ კაპანაძემ.

„ვფიქრობ, რომ ეს იურისტებისთვის ყველაზე კარგი შესაძლებობაა, რომ გახდნენ ობიექტური და სამართლიანი პროკურორები“, – აღნიშნა სტუდენტმა მეგი კაპანაძემ.

კონკურსთან დაკავშირებით დეტალური ინფორმაცია შეგიძლიათ იხილოთ ამ ბმულზე.



[მარიამ ბარძიმაძე, ახალციხე]