ინტელექტუალური შეჯიბრი მეცხრეკლასელებს შორის

შეჯიბრში, რომელიც ახალციხის საბავშვო ბიბლიოთეკის ინიციატივით ჩატარდა, 1–ლი, მე–2–ე, მე–5–ე და მე–6–ე საჯარო სკოლის, მეცხრე კლასის 20 მოსწავლე მონაწილეობდა. თამაში ორი ტურისა და მესამე, გადამწყვეტი, ბლიც შეკითხვებისგან შედგებოდა.

ორი ტურის შედეგების მიხედვით, მესამე ტურში ოთხი გუნდიდან მხოლოდ მე–2–ე და 1–ლი სკოლის გუნდები გადავიდნენ. მესამე ტურში, ამ ორი გუნდიდან, თითო წარმომადგენელს, ბლიც შეკითხვები დაუსვეს.

"კითხვები ყველა სფეროდან იყო. ისინი საბავშვო ბიბლიოთეკის თანამშრომლებმა შეადგინეს. შევეცადეთ მეტ–ნაკლებად სირთულის კითხვები ყოფილყო“, – ამბობს საბავშვო ბიბლიოთეკის უფროსია სპეციალისტი ლალი ჩინჩალაძე.

ჟიურიმ, რომელიც ოთხი წევრისაგან შედგებოდა, სამივე ტურის შედეგები შეჯამა და გამარჯვებულად პირველი სკოლის გუნდი დაასახელა. გამარჯვებულ გუნდს თასი გადაეცა.

"ძალიან მიხარია გამარჯვება, ვნერვიულობდი, ბლიც შეკითვების დროს მითუმეტეს. ასეთ კონკურსში აქამდე მონაწილეობა არ მიმიღია“, – ამბობს პირველი სკოლის მოსწავლე მარიამ აფრიამაშვილი.

თამაშის ყველა მონაწილეს დათო ტურაშვილის წიგნი „ტყეების მეფე“ და სიგელები გადასცეს. ბლიც შეკითხვებში გამარჯვებულმა საქართველოს ისტორიის ოთხტომეული მიიღო, ხოლო მეორე ადგილზე გასული მოსწავლე წიგნი – "ყველაფერი ყველაფერი" დაასაჩუქრეს.

ინტელექტუალური თამაში ახალციხის საბავშვო ბიბლიოთეკის ინიციატივითა და ახალციხის მერიის კულტურის სამსახურის მხარდაჭერით გაიმართა.





[მარიამ ბარძიმაძე, ახალციხე]