NDI: 43% ეთანხმება ეკლესიისთვის ყოველწლიურად 25 მილიონი ლარის გამოყოფას

14 პროცენტი მიიჩნევს, რომ სახელმწიფომ უნდა გაზარდოს ეკლესიისთვის გამოყოფილი თანხის ოდენობა.

გამოკითხულთა 20 პროცენტი ფიქრობს, რომ საპატრიარქოსთვის ყოველწლიურად თანხის ბიუჯეტიდან გამოყოფა უნდა შემცირდეს და მხოლოდ 8 პროცენტს მიაჩნია, რომ ეკლესიისთვის თანხა საერთოდ არ უნდა გამოიყოს.

67 პროცენტი ეთანხმება მოსაზრებას, რომ სახელმწიფომ უნდა შეამოწმოს როგორ იხარჯება საქართველოს მართლმადიდებელი ეკლესიისთვის ბიუჯეტიდან გამოყოფილი თანხა. ამ მოსაზრებას არ ეთანხმება 22 პროცენტი.

კვლევის პოლიტიკური ნაწილი NDI–მ დღეს, 15 მაისს გამოაქვეყნა. კვლევის საველე სამუშაოები 2017 წლის 7-28 აპრილის პერიოდში ჩაატარდა. საქართველოს მასშტაბით (ოკუპირებული ტერიტორიების გამოკლებით), 2,493 მოქალაქე გამოიკითხა. კვლევაში ცდომილების ზღვარია 2,7 პროცენტი.

[sknews.ge]