NDI: მოქალაქეთა უმრავლესობას სურს პრეზიდენტი პირდაპირი წესით ირჩეოდეს

მათგან, ვინც ასე ფიქრობს, 94 პროცენტი „ერთიანი ნაციონალური მოძრაობის“ წევრია, 83 პროცენტი – არცერთი პარტიის და 79 პროცენტი „ქართული ოცნების“.

ამავე კვლევაში საკონსტიტუციო ცვლილებებზე მეორე კითხვაცაა.

კითხვაზე: ამჟამად საქართველოს პარლამენტში 150 დეპუტატია. აქედან 77 აირჩევა მოქალაქეების მიერ პოლიტიკური პარტიებისთვის ხმის მიცემით, დანარჩენი 73 კი -ინდივიდუალური მაჟორიტარი კანდიდატისთვის ხმის მიცემით. როგორ ფიქრობთ, უნდა შევინარჩუნოთ თუ არა პარლამენტში მაჟორიტარი კანდიდატები?

47 პროცენტი ფიქრობს, რომ უნდა შევინარჩუნოთ, 28 პროცენტი მაჟორიტარული სისტემის გაუქმებას უჭერს მხარს.

გამოკითხულთა 31 პროცენტი ფიქრობს, რომ მოსახლეობის საჭიროებები მაჟორიტარული სისტემით არჩეულ დეპუტატს უფრო კარგად ესმის, ვიდრე პარტიული სიით (12 პროცენტი); 29 პროცენტი კი ფიქრობს, რომ არცერთს არ ესმის. ასევე, 29 პროცენტი ფიქრობს, რომ პარლამენტის მუშაობაში არცერთი სისტემით არჩეულ დეპუტატს არ შეაქვს წვლილი.

კვლევის პოლიტიკური ნაწილი NDI–მ დღეს, 15 მაისს გამოაქვეყნა. კვლევის საველე სამუშაოები 2017 წლის 7-28 აპრილის პერიოდში ჩაატარდა. საქართველოს მასშტაბით (ოკუპირებული ტერიტორიების გამოკლებით), 2,493 მოქალაქე გამოიკითხა. კვლევაში ცდომილების ზღვარია 2,7 პროცენტი.

[sknews.ge]