ახალციხეში დაშავებული ორი მამაკაციდან ერთის მდგომარეობა მძიმეა

ავარიის შედეგად დაშავებულ 32 წლის მამაკაცს ამ წუთებში, კლინიკა „იმედში“ გულ–მკერდის არეში ოპერაციას უკეთებენ.

„შესაძლოა მუცლის ღრუც გაჭრან. შემოყვანისთანავე მართვით სუნთქვაზე გადავიყვანეთ, უგონო მდგომარეობაში იყო, არც წნევა ესინჯებოდა და არც პულსი“, – აცხადებენ კლინიკა „იმედში“.

რაც შეეხება მეორე დაშავებულს, ის სასწრაფო სამედიცინო დახმარების სამსახურმა ახალციხის რეფერალურ ჰოსპიტალში შეიყვანა.

„მიმდინარეობს დიაგნოსტირება, მისი მდგომარეობა სტაბილურია“, – გვითხრეს ახალციხის რეფერალურ ჰოსპიტალში.

შეგახსენებთ, ავტოსაგზაო შემთხვევა ახალციხეში, თამარაშვილის ქუჩაზე დაახლოებით 20:00 საათზე მოხდა. თვითმმახილველების თქმით, ძლიერი სისწრაფით მოძრავი „ნისან მიკრა“ „ტოიოტა რაქტისს“ შეეჯახა. „ნისან მიკრაში“ მსხდომი ორივე მამაკაცი დაშავდა, „ტოიოტა რაქტისში“ მსხდომი ორი მამაკაცი კი უვნებლად გადარჩა.

[თამუნა უჩიძე, ახალციხე]