ასპინძის კულტურის სახლში სცენას და დარბაზს გაარემონტებენ

ასპინძის მუნიციპალიტეტის გამგეობამ კულტურის სახლის რეაბილიტაციის დასასრულებლად ტენდერი 388 400 ლარზე, 10 აპრილს გამოაცხადა.

ელექტრონულ ტენდერში მხოლოდ ერთი შპს „კ–კომპანია“ მონაწილეობდა. სატენდერო კომისიამ აღნიშნული კომპანია შეარჩია, თუმცა ჯერ მასთან ხელშეკრულება გაფრომებული არ არის. გამარჯვებულმა კომპანიამ სამუშაოები ხელშეკრულებს გაფორმებიდან 120 დღეში უნდა დაასრულოს.
სატენდერო დოკუმენტაციის მიხედვით რეაბილიტაცია ჩაუტარდება კულტურის სახლის მაყურებელთა დარბაზსა და სცენას.

შეგახსენებთ, რომ ასპინძის კულტურის სახლის რეაბილიტაცია სამ ეტაპად ხორციელდება, პირველი ეტაპი გასული წლის მაისში დასრულდა.

220.580 ლარად შპს "კ-კომპანიამ" შეიცვალა შენობის სახურავი, კარ–ფანჯარა, დაამონტაჟა ცენტრალური გათბობა, შეცვალა ელექტროგაყვანილობა. ასევე შეაკეთდა წყლისა და საკანალიზაციო სისტემა.

მეორე ეტაპზე, ტენდერში შპს „XXI საუკუნემ“ გაიმარჯვა, დაახლოებით 110 000 ლარით გარემონტდა ფოიე, შეიღება გარეფასადი, გაკეთდა შესასვლელი კიბე და საგარდეროფე ოთახი.



[თინათინ ზაზაძე, ასპინძა]