ბორჯომში კულტურის ცენტრისა და თოჯინების თეატრის რეაბილიტაცია დაიწყო

ბორჯომის გამგებლის დიმიტრი ყიფიანის განმარტებით, შენობის იერსახე მთლიანად შეიცვლება და ის თანამედროვე სტილში კლასიკური ელემენტების გამოყენებით მოეწყობა: „ფასადის გარდა, შეიცვლება შენობის სახურავი. თოჯინების თეატრში დარბაზს და ფოიეს ჩაუტარდება სრული რეაბილიტაცია. შენობაში შეიცვლება ინვენტარიც“.

ამ ეტაპზე ძველი კარ-ფანჯრების, იატაკისა და ინვენტარის დემონტაჟის სამუშაოები მიმდინარეობს.

გამგეობის ინფორმაციით, ბორჯომის კულტურისა და ხელოვნების ცენტრში ფუნქციონირებს ფოლკლორული და ქორეოგრაფიული ანსამბლები, თანამედროვე ცეკვების სტუდია, სახალხო ანსამბლი, ყოველკვირეულად კულტურის სახლის დარბაზში იმართება სხვადასხვა ღონისძიებები.
თოჯინების თეატრი კი სისტემატურად მართავს სპექტაკლებს.

პროექტი რეგიონალური განვითარების ფონდისა და ადგილობრივი მუნიციპალიტეტის ერთობლივი დაფინანსებით მიმდინარეობს. სარემონტო სამუშაოებისათის 248 269 ლარი დაიხარჯება.

ბორჯომში კულტურისა და ხელოვნების ცენტრის და თოჯინების თეატრის შენობის რეაბილიტაციის სამუშაოებზე გამგოებამ ტენდერი აპრილში გამოაცხადა, 310,335 ლარზე. ტენდერში ორი პრეტენდენტი მონაწილეობდა: შპს ანტუ–რაჟი და ინდ.მეწარმე ვასილ მჭედლიძე. ამ უკანასკნელმა ტენდერი 248 269 ლარით მოიგო.

ვასილ მჭედლიძესა და ბორჯომის გამგეობას შორის ხელშეკრულება 1–ელ ივნისს გაფორმდა. სამუშაოები აგვისტოს ბოლოს უნდა დასრულდეს. შესრულებული სამუშაოების საგარანტიო ვადა სამი წელია.







ასეთი იქნება ცენტრი რეაბილიტაციის შემდეგ.




[sknews.ge]