გორგული-შოშხოთის მიმართულებით გზის რეაბილიტაცია იწყება

ადგილობრივმა თვითმმართველობამ ტენდერი 27 აპრილს გამოაცხადა, წინადადებების მიღება 13 მაისიდან იწყება.

ადიგენის მუნიციპალიტეტის გამგეობაში აცხადებენ, რომ 1`052`792.00 ლარიანი ტენდერი ორ წლიანია. პირველ ეტაპზე 2017 წელს, 2.534 მეტრიან გზაზე (ასფალტი დაიგება "შოშხოთის" ეკლესიამდე) საინჟინრო სამუშაოები შესრულდება, მოეწყობა ხიდები და მილხიდები. აღნიშნულისთვის დაახლოებით 275 000 ლარი დაიხარჯება.მეორე ეტაპზე, 2018 წელს კი ასფალტი დაიგება.

პირველ ეტაპზე ( 2017 წელი) დაგაგმილი სამუშაოები ხელშეკრულების გაფორმებიდან 60 კალენდარული დღის ვადაში უნდა დასრულდეს, ხოლო მეორე მეორე ეტაპი (2018 წელი) - 120 კალენდარული დღის ვადაში.

ადიგენის მუნიციპალიტეტის გამგეობის ინფრასტრუქტურის, სივრცითი მოწყობის,არქიტექტურისა და მშენებლობის სამსახურის უფროსის გოდერძი სხირტლაძის განმარტებით ამ გზაზე ასფალტი არასდროს არ ყოფილა.

[თინათინ ზაზაძე, ადიგენი]