ასპინძაში, ოთხ სოფლამდე მისასვლელ გზაზე ასფალტი იგება

ასპინძის მუნიციპალიტეტის ინფრასტრუქტურის სამსახურის უფროსის ანზორ ალელიშვილის განმარტებით, ამ ეტაპზე ასფალტი ორი სოფლის ორგორისა და სახუდაბლის 3 200 მეტრიან მონაკვეთზე იგება.

პროექტი რეგიონებში განსახორციელებელი პროექტებისა და მთის ფონდებიდან ფინანსდება. მისი პირველი ეტაპი 2015 წელს ზველი-ჭობარეთის გზის რეაბილიტაციით დაიწყო და მიმდინარე 2017 წელს მთლიანად დასრულდება. შედეგად 2 371 873 ლარის ღირებულების 12, 5 კმ სიგრძის საგზაო ინფარსტრუქტურა მოწესრიგდება.

ამ გზით მიმდებარე ოთხი სოფლის:ორგორის, სახუდაბელის, ზველის და ჭობარეთის 1500-მდე მაცხოვრებელი ისარგებლებს.

[თინათინ ზაზაძე, ასპინძა]