ტრენინგი თემაზე: „ანტიდასავლური კამპანია საქართველოში“

ტრენინგს „სამოქალაქო საზოგადოების რეგიონული ქსელი“(R-CSN), ევროპის დღეების ფარგლებში ჩაატარებს.

ორგანიზატორების თქმით, სემინარზე დამსწრე საზოგადოება მიიღებს თეორიულ და პრაქტიკულ ცოდნას ანტიდასავლური კამპანიის ტექნიკებსა და ინსტრუმენტებზე. განხილული იქნება კონკრეტული მაგალითები, რომელთა საფუძველზე მონაწილეები მიიღებენ კონკრეტულ წარმოდგენასა და ცოდნას, როგორც ანტიდასავლუდი კამპანიაზე, ასევე მისი გამოვლენისა და მასთან ბრძოლის ტექნიკებზე.

ქსელის წევრი ორგანიზაციები დამსწრე საზოგადოებას დემოკრატიისა და ადამიანის უფლებების თემებზე საკუთარ მოსაზრებებსაც გაუზიარებენ და სემინარის მონაწილეებთან დისკუსიას გამართავენ.

კამპანია იმართება “სამოქალაქო საზოგადოების რეგიონული ქსელის“ მიერ აღმოსავლეთ-დასავლეთის მართვის ინსტიტუტის ACCESS პროგრამის მხარდაჭერით და აშშ-ის საერთაშორისო განვითარების სააგენტოს (USAID) დაფინანსებით. "სამოქალაქო საზოგადოების რეგიონული ქსელი“ რეგიონებში მომუშავე 64 ორგანიზაციას აერთიანებს. ქსელის ფასილიტაციას ახორციელებს არასამთავრობო ორგანიზაცია „სიდა.“

ტრენინგზე დასწრების მსურველები დაუკავშირდით თამარ აბრამიშვილს. ტელ.: 592 15 00 42.

[sknews.ge]